На парадзе спецназавец зрабіў прапанову дзяўчыне-вайскоўцы. Хто яны?
Ролік ужо набраў у тыктоку 350 тысяч праглядаў.
Хлопца, які зрабіў прапанову рукі і сэрца на парадзе ў Мінску, завуць Ілля Стрэха, нарадзіўся ён у Наваполацку. У 2022 годзе скончыў Полацкае кадэцкае вучылішча. У тым жа годзе Ілля зняўся ў іміджавым відэа Узброеных сіл Рэспублікі Беларусь — ён быў у форме памежніка.
Мяркуючы па яго сацыяльных сетках, Ілля марыць звязаць сваё жыццё з працай у сілавых структурах і цяпер з'яўляецца спецназаўцам. Нават на відэа з прапановай рукі і сэрца, якое відавочна планавалася як рамантычнае, ён паставіў хэштэгі #омон і #спецназ.
У адным са сваіх тыктокаў Ілля жартуе з таго, што ўсе думаюць, быццам яго бацька таксама вайсковец, а насамрэч той святар. Уладзімір Стрэха — настаяцель храма Свяціцеля Мікалая Цудатворца ў вёсцы Новы Пагост. Маці Іллі Аксана працуе цырульніцай.
Дзяўчыну Іллі завуць Наталля Корбан, яна з Віцебска. Наталля — вайсковы медык. На прапанову Іллі стаць яго жонкай дзяўчына адказала: «Так!».
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»36
Каментары