Крыты лыжны комплекс планавалі пабудаваць ля Свіслачы, у раёне вул. Арлоўскай недалёка ад будынка Вярхоўнага суда.
Але інвестар не справіўся з праектам, пішуць Мінск-навіны.
Лыжнага цэнтра, дзе можна было б катацца круглы год, у Беларусі няма. Таму яшчэ ў лістападзе 2021 года гарадскія ўлады ахвотна выдзелілі інвестару зямельны ўчастак пад гэты праект.
Па праекце планавалася пабудаваць крытую лыжную трасу даўжынёй 1,35 км, трасу для сноўборда і лядовы каток. Аднак інвестар так і не змог пачаць будаўніцтва ў належны тэрмін, таму ў выніку пляцоўку ў яго забралі.
«Тэрыторыя лыжнага комплексу ўвайшла ў склад новай зялёнай зоны і будзе асвойвацца пад гэта прызначэнне. Будаўніцтва спартыўнага аб'екта там не плануецца», — пракаментаваў старшыня Камітэта архітэктуры і горадабудаўніцтва Мінгарвыканкама Віктар Гуцько.
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары8
Каментары