Adbyłosia heta jašče ŭletku – za niekalki miesiacaŭ da taho, jak nacyjanalny stroj uvajšoŭ u lik samych modnych trendaŭ našaj krainy.
Pra heta paviedamlaje časopis «Alfa Mir», karparatyŭnaje vydańnie «Alfa-banka»(Biełaruś), jaki biaspłatna razdajecca ŭ adździaleńniach banka.
Centr śviežaha numara vydańnia, jaki tolki što vyjšaŭ z druku, – repartaž, jaki dapamoža nam na chvilinku viarnucca z zołkich kastryčnickich dzion u śpiakotnaje leta.
U lipieni, u kupalskija dni, u Viazyncy pry padtrymcy «Alfa-banka» prajšoŭ kvietkavy etnafiestyval.
Jak pryznajucca supracoŭniki banka, jany nie čakali takoj kolkaści haściej. Na śviata sabrałasia kala 4 tysiač čałaviek – darosłych i dziaciej.
Pahladzieć u Viazyncy było na što: i defile ŭ nacyjanalnych strojach dla darosłych i dziaciej, i majstar-kłasy fłarystaŭ, i litaraturnyja čytańni, prymierkavanyja da dnia naradžeńnia Janki Kupały. A pry kancy śviata ŭdzielniki splali i spuścili na vadu najbolšy ŭ Biełarusi kupalski vianok — dyjamietram až čatyry mietry.
Supracoŭniki banka byli nie tolki haspadarami śviata – jany z pryjemnaściu adzieli nacyjanalnyja stroi i ŭziali ŭdzieł u konkursach dy kupalskich abradach.
«Biełaruskaja kultura kaštoŭnaja i samabytnaja sama pa sabie, ale nie ŭ hetym hałoŭnaja pryčyna našaj padtrymki.
My adčuvajem, što žyćcio biełarusaŭ prasiaknutaje niabačnymi suviaziami, jakija źnitoŭvajuć pakaleńni, dynastyi i siemji, — cytuje časopis słovy namieśnika staršyni praŭlenna ZAT «Alfa-Bank» Alaksieja Zaharyna.
— Kupalle i spadčyna Janki Kupały — heta nie tolki nacyjanalny skarb. Heta toje, u čym sercy ludziej adčuvajuć hłyboki rezanans i jadnańnie, hetaja duchoŭnaja enierhija žyvaja i žyćciazdolnaja. Stolki śvietłych tvaraŭ – darosłych i dziaciej – uśmiešak, radaści, dobrasardečnaści! Kožny, chto byŭ na śviacie, zmoh pierakanacca, što krynica poŭnaja čystaj vady».
Taksama ŭ śviežym numary časopisa — hutarka ź śpiavačkaj Alonaj Łanskoj.
Jana, akazvajecca, u minułym pracavała ŭ adnym ź biełaruskich bankaŭ i pryznajecca, što hetaja praca zahartavała jaje.
Na inšych staronkach kalarovaha hlancavaha vydańnia – apoviedy pra plusy i minusy adpačynku ŭ Italii, pra sakrety i mahčymaści kartak «Alfa-banka», pra toje, jak aščadžać čas i siły z dapamohaj mabilnaha bankinhu.
U dadatak – dobryja historyi i «hrašovyja» narodnyja prykmiety. Usio heta ŭ časopisie «Alfa Mir» №3. Kožny moža atrymać jaho, kali naviedaje adździaleńnie banka.
Byłaja deputatka Maryja Vasilevič sabrałasia zamuž FOTA3
Kamientary