Vyjšaŭ na volu biznesmien Vital Sinicki, jaki sam na siabie napisaŭ zajavu ŭ padatkovuju i zapłaciŭ $10 miljonaŭ kampiensacyi
Jak viadoma «Našaj Nivie», na minułym tydni vyjšaŭ na volu biznesmien Vital Sinicki — bujny devełapier, jaki trapiŭ u SIZA praz toje, što sam napisaŭ na siabie zajavu ŭ padatkovuju inśpiekcyju z prośbaj pravieryć svaje pradpryjemstvy. U inśpiekcyi paličyli, što jon sychodziŭ ad padatkaŭ. Usiaho Sinicki pravioŭ u SIZA kala dvuch miesiacaŭ.
Jak tłumačyli «Našaj Nivie», Sinicki ŭžo zapłaciŭ 10 miljonaŭ dalaraŭ «kampiensacyi».
Ciapier jon znachodzicca ŭ Biełarusi, vyjazdžać nie płanuje — šmat biznesu ŭ krainie.
Sinicki kiruje kampanijaj «Sihmapolus», jakoj naležać minskija biznes-centry «Tytan», «Civali», «Arłan», «Chvala» (jaje aranduje Wargaming), «Ankor», handlovy centr «Trum», prambaza na Hurskaha i hetak dalej. Taksama Sinicki zajmajecca zabudovaj učastka nasuprać teatra Muzkamiedyi la płoščy Bahuševiča.
Miž tym, 17 listapada stała viadoma, što «Sihmapolus» raspradaje častku svaich abjektaŭ.
Nabyć ich možna z dyskontam da rynkavaj cany. Usie kompleksy realizujucca niepasredna ŭłaśnikam. Jość 17-paviarchovy biznes-centr Fortune na vulicy Prytyckaha, 29. Taksama možna stać uładalnikam biźnies-centra «Arłan» na vulicy Tyražnaj, 150 niedaloka ad płoščy Banhałor.
Pradajucca i šmatfunkcyjanalnyja kompleksy na stadyi budaŭnictva — na Niamizie i za sto mietraŭ ad stancyi mietro «Partyzanskaja».
Čytajcie taksama:
Bujny biznesmien Sinicki zapłaciŭ užo 10 miljonaŭ dalaraŭ, ale jaho nie vypuskajuć. Čamu? Tłumačać krynicy
Što čakaje Biełaruś u bližejšyja piać hadoŭ? A Rasiju i Jeŭropu? Śpiecdakładčyk AAN pa Biełarusi daje svoj raskład7
Kamientary