Na Adzinym partale elektronnych pasłuh ciapier možna znajści ŭsiu infarmacyju nie tolki pra pustujučyja ŭ Biełarusi chaty — pačała pracavać i baza ŭžyvanych aŭtamabilaŭ.
Nazyvajecca novaja pasłuha «Pradastaŭleńnie źviestak z elektronnaha pašparta transpartnaha srodku». Atrymać źviestki mohuć jak dziaržaŭnyja orhany i jurydyčnyja asoby, tak i indyvidualnyja pradprymalniki dy fizičnyja asoby.
Ad ciapier luby achvotny moža vyśvietlić (uvioŭšy VIN-numar aŭtamabila) nie tolki hod vytvorčaści ci adcieńnie koleru, ale taksama prabieh mašyny, prachodžańnie joj dziaržtechahladu, ci nie ličycca mašyna ŭ vyšuku i ci nie zakładzienaja ŭ banku. Košt hetaj pasłuhi nievialiki — usiaho tolki 84 kapiejki.
Nahadajem, što z 22 studzienia ŭ Biełarusi źmianilisia praviły kupli-prodažu patrymanych mašyn. Hałoŭnaja meta ŭniasieńnia źmien — pazbavicca ad pierakupščykaŭ, tak jak pa novych praviłach sa ździełak źniknuć rachunak-daviedki i zabaroniena raźličvacca najaŭnymi pry ździełcy ź jurydyčnaj asobaj.
Baza, zapuščanaja i dastupnaja ŭsim, jak miarkujecca, nie dazvolić niesumlennym pradaŭcam uvodzić pakupnikoŭ u zman.
Čytajcie taksama:
Chutka kuplać i pradavać aŭtamabili treba budzie pa novych praviłach. Što źmienicca?
Stvaryli Adziny rejestr pustujučych damoŭ, u im možna nahledzieć niešta dla siabie
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary