Pakul dola aficyjnych pastaŭščykoŭ u ahulnym abjomie ŭvozu elektrakaraŭ u krainu nievialikaja, ale raźvićcio infrastruktury i źnižeńnie cen na novyja madeli dazvalajuć raźličvać na rost hetaha rynku.
U 2022 hodzie biełaruskimi dylerskimi centrami było pradadziena 55 novych elektramabilaŭ, što na 28% bolš, čym hod tamu. Pryčym hety siehmient aficyjnaha aŭtarynku staŭ adzinym, dzie byŭ zafiksavany rost prodažu, paviedamlaje Office Life.
Takija źviestki ahučyŭ dyrektar UP «BAA-Kansałt» Dźmitryj Jarota padčas pres-kanfierencyi Biełaruskaj aŭtamabilnaj asacyjacyi, na jakoj padvodzilisia vyniki pracy aŭtamabilnaj haliny krainy za 2022 hod.
Lidaram prodažu pakul źjaŭlajecca Geely Geometry C, jakuju impartuje SZAT «BiełDžy». U top-3 taksama ŭvachodziać Audi e-tron i Porsche Taycan.
Jak rastłumačyŭ hienieralny dyrektar kampanii «BiełDžy» Hienadź Śvidzierski, pakul asvojvać ułasnuju vytvorčaść elektramabila ŭ Biełarusi niemetazhodna, tak jak heta zapatrabuje značnych vydatkaŭ i niehatyŭna adabjecca na košcie.
Pry hetym jon vysoka acaniŭ pierśpiektyvy raźvićcia hetaha rynku, bo ŭ Biełarusi dla hetaha jość usie pieradumovy. Pierš za ŭsio heta raźvitaja sietka zapravak, jakaja pastajanna pašyrajecca (ciapier ich užo bolš za 600), a taksama davoli jakasnyja darohi i nievialikija adlehłaści pamiž nasielenymi punktami.
Da hetaha času dola aficyjnych dyleraŭ u ahulnym abjomie impartu elektrakaraŭ u krainu była nievialikaja. Letam 2022 hoda ministr enierhietyki Viktar Karankievič paviedamlaŭ, što kolkaść elektramabilaŭ u Biełarusi pieravysiła 10 tysiač.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary