Некаторыя машыны ў ЕС каштуюць у 2-3 разы танней. Параўналі цэны на патрыманыя аўто ў Беларусі і Еўрасаюзе
VW Passat B6
У Беларусі цэны на VW Passat B6 пачынаюцца з адзнакі ў 5 тысяч даляраў — столькі просяць за аўтамабілі першых гадоў выпуску, якія, зыходзячы з апісанняў прадаўцоў, знаходзяцца далёка не ў самым лепшым стане.
У суседняй Літве VW Passat B6 дасяжны па цэнах ад 1500 еўра (тут і далей мы не будзем пераводзіць еўра ў даляры, паколькі валюты на сёння амаль парытэтныя).
Падобная сітуацыя з цэнамі на Passat і ў Германіі: там самыя танныя В6 сярод аўто без пашкоджанняў ацэньваюць у 1400-1800 еўра.
Opel Zafira B
Кампактвэн Opel Zafira B у Беларусі прадаюць па цэнах ад 5-5,5 тысячы даляраў. Аўтамабілі з пазнакай «у добрым стане» прадаўцы ацэньваюць у 6000-7000 $.
Самыя танныя з Opel Zafira B у Літве дасяжныя за 1700-2000 еўра. Пры гэтым большасць дарэстайлінгавых «Зафір» прадаюць у цэнавым дыяпазоне 2500-3500 еўра.
BMW 5 e60
BMW 5 серыі е60, якую ў народзе клічуць «лісой», у Беларусі прадаюць ад 7000 даляраў.
У Літве падобныя аўто выстаўляюць на продаж па цэнах ад 2500 еўра, а ў Германіі — ад 2000 еўра.
Renault Scenic III
Renault Scenic трэцяга пакалення першых гадоў выпуску ў Беларусі каштуе каля 7500-8000 даляраў. У той жа час у Германіі ці Літве аналагічныя аўтамабілі прадаюцца за 3000-4000 еўра.
Як бачым, аўтамабілі 10-15 гадовага ўзросту ў Беларусі каштуюць у 2-3 разы даражэй, чым у ЕС. Тым не менш, гэта не азначае, што беларусам ёсць сэнс прыглядацца да прыгону такіх аўто з-за мяжы, паколькі высокія загараджальныя пошліны зробяць гэта фінансава нявыгаднай справай.
Для таго, каб аўтамабіль з трэціх краін было выгадна імпартаваць у Беларусь, ён мусіць быць не старэйшым за 5 год. То-бок гэта машыны, якія сышлі з канвера не пазней за другую палову ліпеня 2017 года. Таму ў другой частцы агляду мы сканцэнтруем увагу менавіта на такіх аўто.
Passat B8
VW Passat B8 2017 года выпуску ў Беларусі каштуе 17-18 тысяч даляраў, у той час як у Літве «прахадныя» В8 прадаюцца па цэнах ад 12-14 тысяч еўра.
У Германіі ці Нідэрландах цэны на аналагічныя аўто стартуюць з адзнакі ў 11 тысяч еўра.
Ford Mondeo
Mondeo 2017 года выпуску ў Беларусі можна знайсці ад 15 тысяч даляраў. У Літве самыя танныя варыянты з 5-гадовых Ford Mondeo ацэнены ў 11-12 тысяч еўра.
Renault Talisman
Пяцігадовыя «талісманы» ў Беларусі прадаюцца за 15-16 тысяч даляраў. У Германіі Renault Talisman 2017 года выпуску можна набыць мінімум за 10-11 тысяч еўра. У Літве такія аўто дасяжныя па 11-12 тысяч еўра.
Пра тое, што варта ведаць для таго, каб прыгнаць аўтамабіль з ЕС ці ЗША, можна пачытаць тут.
Чытайце таксама:
Беларусы зноў могуць увозіць электрамабілі без сплаты мыту, але ёсць нюасы
Беларусы пераключыліся на дарагія аўто з Еўропы і ЗША. Чаму так?
Што запісана афіцыйнай прычынай смерці адзінага сына Ярмошынай?9
Каментары