Монаспектакль Івана Кірчука «Варажбіт» у Купалаўскім тэатры адмянілі
22 красавіка ў Купалаўскім тэатры мусіў адбыцца монаспекталь Івана Кірчука «Варажбіт». Але купіць квіткі на падзею ўжо немагчыма, паведамілі Reform.by чытачы.
Спектакль зняты з афішы, патлумачылі ў адной з тэатральных кас горада. У іншых касах падзея проста перастала адлюстроўвацца ў праграме прапаноў.
Толькі ў гэтым месяцы ў прасторы Лошыцкай сядзібы адбылася прэзентацыя альбома музыкі «Варажбіт» і творчая сустрэча. Пра падзею пісала газета «Звязда».
22 красавіка на галоўнай сцэне Купалаўскага тэатра планаваўся вялікі монаспектакль музыкі, прымеркаваны да 40-годдзя яго творчай дзейнасці. «Варажбіт» — монапастаноўка, якую Іван Кірчук грае і перастварае ўжо 20 гадоў: дзея напаўняецца новым зместам, зыходзячы з матэрыялаў, знойдзеных музыкам і збіральнікам фальклору ў этнаэкспедыцыях.
«Падчас спектакля прагучыць больш за 50 беларускіх архаічных песень, звязаных з календаром продкаў, сямейнымі абрадамі і традыцыямі ўсіх рэгіёнаў Беларусі. Шырока выкарыстоўваюцца рэквізіт этналабараторыі, сабраны Кірчуком падчас экспедыцый, лялькі, маскі, батлейка», — усё яшчэ даецца апісанне спектакля на сайце Купалаўскага.
Байпол назваў імёны магчымых забойцаў Андрэя Зельцара. І заявіў, што сілавіка «Нірвану» застрэліў свой жа6
Каментары