Пасля размовы з прэзідэнтам Украіны Уладзімірам Зяленскім у нядзелю прэзідэнт ЗША Джо Байдэн плануе неўзабаве правесці яшчэ адну тэлефонную размову з украінскім лідарам.
Пра гэта падчас брыфінгу ў панядзелак, 26 чэрвеня, заявіў каардынатар Рады нацыянальнай бяспекі Белага дома Джон Кірбі, як паведамляе «Еўрапейская праўда».
Кірбі адзначыў, што пасля размовы з прэзідэнтам Зяленскім у нядзелю ў Байдэна не было яшчэ адных перамоваў з ім.
«Але, як вы чулі, прэзідэнт сказаў, што ён разлічвае зноў пагаварыць з прэзідэнтам Зяленскім вельмі і вельмі скора. І, вядома ж, мы аб'явім вам пра гэта, калі гэта адбудзецца, як мы заўсёды гэта робім», — сказаў Кірбі.
Папярэдняя размова Байдэна і Зяленскага адбылася 25 чэрвеня. У ёй прэзідэнты абмеркавалі контрнаступ і спробу бунту ў РФ.
Паводле звестак крыніц тэлеканала, падчас бунту «Вагнера» саюзнікі на розных узроўнях звярталіся да ўкраінскіх чыноўнікаў, адгаворваючы ад нанясення ўдараў па тэрыторыі Расіі падчас бунту.
Дзмітрыеў расказаў немцам, чаго Лукашэнка можа хацець ад Еўропы24
Каментары