У Беларусі могуць увесці вусны іспыт у дадатак да цэнтралізаванага экзамену для абітурыентаў, якія паступаюць у ВНУ на сацыяльна-гуманітарныя спецыяльнасці. Пра гэта заявіў міністр адукацыі Андрэй Іванец, піша БелТА.
«Вельмі важна правесці аналіз вынікаў здачы вуснага іспыту для дзяцей, якія паступалі на мэтавую форму падрыхтоўкі. На думку настаўнікаў, якія ўваходзілі ва ўсе прыёмныя камісіі вуснага іспыту і прадстаўнікоў прафесарска-выкладчыцкага складу ВНУ, гэта вельмі добрая форма кантролю ведаў абітурыентаў.
Мы мяркуем, што сёння сістэма адукацыі гатовая разгледзець магчымасць, у першую чаргу для сацыяльна-гуманітарных дысцыплін, увядзення вуснага іспыту ў дадатак да цэнтралізаванага экзамену, які здаецца ўсімі выпускнікамі ўстаноў агульнай сярэдняй адукацыі», — сказаў Андрэй Іванец падчас сустрэчы з кіраўнікамі ўніверсітэтаў Гомельскай вобласці.
У Беларускай праваслаўнай царкве абнавілі цэннік? Вось якія будуць рэкамендаваныя тарыфы7
Каментары