«Спутнік V» зусім перастаў абараняць ад новых штамаў кавіду. А ў Беларусі ім працягваюць вакцынаваць
Варыянт «Спутніка V» абараняў ад COVID-19 на працягу першых двух гадоў, але са з'яўленнем новых штамаў яго эфектыўнасць пачала падаць, і сёння вакцына зусім не абараняе, заявіў Аляксандр Гінцбург (кіраўнік Цэнтра імя Гамалеі, які і распрацаваў вакцыну) і анансаваў новы варыянт вакцыны, піша РБК.
Першая зарэгістраваная ў свеце вакцына ад каранавіруса «Спутнік V» са з'яўленнем штама COVID-19 «кракен» перастала абараняць зусім, ідуць клінічныя выпрабаванні абноўленай вакцыны, заявіў кіраўнік Цэнтра імя Гамалеі Аляксандр Гінзбург. Цэнтр імя Гамалеі і распрацаваў гэту вакцыну.
Паводле яго слоў, зыходны варыянт «Спутніка» абараняў ад COVID-19 на працягу першых двух гадоў, гэта значыць з моманту рэгістрацыі, са жніўня 2020-га да ліпеня 2022 года. Аднак пачынаючы з сярэдзіны лета 2022 года, калі з'явіліся варыянты COVID-19 «амікрон» 1, 2 і 3, варыянты 4 і 5, эфектыўнасць упала ўжо ў 20 разоў.
«А калі з'явіўся XBB.1.5 — варыянт «амікрона» («кракен») — гэта было ў студзені 2023 года, — «Спутнік» перастаў абараняць наогул. Таму трэба было яшчэ летам мінулага года мяняць антыгенны склад вакцыны», — дадаў навуковец.
Паводле яго слоў, навукоўцы цэнтра падрыхтавалі новыя варыянты вакцыны ў лабараторыі, імі правакцынавалі супрацоўнікаў цэнтра. Праводзяцца клінічныя выпрабаванні «Спутніка V» на аснове XBB.1.5, яны завершацца 10 снежня.
У грамадзянскі абарот новая вакцына можа паступіць у сакавіку.
У жніўні 2020 года Расія першай у свеце зарэгістравала вакцыну супраць каранавіруса — «Спутнік V» распрацоўкі НДЦ эпідэміялогіі і мікрабіялогіі імя Гамалеі. Вакцына складаецца з двух кампанентаў на аснове адэнавірусных вектараў 26-га і пятага тыпаў. У РФПІ тады заяўлялі, што эфектыўнасць «Спутнік V» паводле вынікаў аналізу звестак 3,8 млн вакцынаваных расіян склала 97,6%. Прышчэпка праводзілася двума кампанентамі. Потым з'явіўся аднакампанентны «Спутнік лайт».
У Беларусі робяць прышчэпкі «Спутнікам V», «Спутнікам лайт», кітайскай вакцынай «Сінафарм» (Vero Cell), а таксама часткова кубінскай «Саберана».
У Беларускай праваслаўнай царкве абнавілі цэннік? Вось якія будуць рэкамендаваныя тарыфы7
Каментары