Спачатку ля Чырвонага касцёла пасяліўся адзін сабака, потым прыйшоў другі
Фота распаўсюджваюць у сацсетках — валанцёры просяць паклапаціцца пра жывёл.
Менчукі на сваіх старонках у сацсетках, а таксама паблікі зоаабарончых арганізацый распаўсюджваюць інфармацыю пра тое, што ля закрытага ўжо больш за год таму Чырвонага касцёла і Дома ўрада на плошчы Незалежнасці пасяліўся бяздомны сабака, піша katolik.life
«У цэнтры Менска, на плошчы каля Чырвонага касцёла ў кустах хаваецца шчанюк, праўда ён ужо не зусім маленькі. Не ведаю, колькі па часе ён тут жыве і колькі зможа яшчэ знаходзіцца — усё ж такі цэнтр горада. Не маглі б вы дапамагчы распаўсюдзіць інфармацыю: можа хтосьці возьме да сябе?», — такія паведамленні рэпосцяць у сацсетках.
Затым з'явілася інфармацыя, што ў кустах каля касцёла хаваюцца ўжо два сабакі. Валанцёры просяць неабыякавых паклапаціцца пра жывёл і, прынамсі, знайсці месца для іх ператрымкі.
Выйшла на свабоду Антаніна Канавалава, давераная асоба Ціханоўскай у 2020 годзе4
Каментары