Саннікаў — журналістцы «Дойчэ Веле»: Гэта абавязковыя пытанні, якія вам куратары кажуць задаваць?
У час інтэрв'ю «Дойчэ Веле» Андрэя Саннікава папрасілі патлумачыць, навошта ён размяшчаў здымак катлет.
Журналістка спытала, што ён хацеў сказаць тым фота.
«Паслухайце. Я кніжку напісаў кулінарную. Вы гэта ведаеце? Не?» — заўважыў Саннікаў.
Журналістка адказала, што ведае. Кніга называецца «Турэмная кухня».
Саннікаў працягнуў: «Ну навошта вы вось гэта… Гэта што, абавязковыя пытанні, якія куратары гавораць вам задаваць? Ці ў тэмніках?»
«Калі я чую адны і тыя ж бязглуздыя пытанні… Прабачце», — адказаў Саннікаў.
Пазней ён выказаў заўвагу, што прыйшоў на інтэрвʼю ў сувязі з выхадам дакументальнага фільма аб ім, а яму ніводнага пытання па фільме не задалі.
«Затое вы гаворыце, што вы незалежнай журналістыкай займаецеся і павінны задаваць вось гэтыя пытанні пра нейкія фотаздымкі».
Нагадаем, што катлеты ў фэйсбуку Андрэй Саннікаў запосціў у дзень, калі Святлана Ціханоўская запусціла ініцыятыву па зборы подпісаў за мірныя перамовы з уладай (у сакавіку 2021 года). Пасля крытыкі на свой адрас ён гэты пост выдаліў.
Ініцыятыва Святланы Ціханоўскай выклікала крытыку часткі апазіцыі, у тым ліку Андрэя Саннікава і рэдактаркі «Хартыі-97» Наталлі Радзінай, якія выступалі за больш радыкальныя дзеянні. У той жа час шырокія колы грамадскасці ідэю Ціханоўскай падтрымалі. За 4 дні зварот падпісалі больш за 670 тысяч чалавек — гэта абсалютны рэкорд для падобнага роду палітычных зваротаў.
Чытайце яшчэ:
Андрэй Саннікаў выдаў дыхтоўную кнігу пра турэмную кухню розных краін
Стась Карпаў назваў Пазняка «бяздушным хлусам», а Саннікава — «зларадным тролем»
Ціханоўская заявіла пра запуск агульнанацыянальнага галасавання за перамовы з уладай
Байпол назваў імёны магчымых забойцаў Андрэя Зельцэра. І заявіў, што сілавіка «Нірвану» застрэліў свой жа6
Каментары
бязглуздыя? а ён хто - інтэлігент? падобны на гопніка
і гэтага хацелі ў прэзідэнты? а чым ён прынцыпова адрозніваецца ад саміведаецекаго? на пытанні не адказвае, увогуле ні за што не адказвае. хамская манера паводзінаў і т.п.