У Беларусі збіраюцца ўвесці забарону на адкрыццё рахункаў у банках падлеткам. Так плануюць знізіць колькасць махлярстваў з удзелам непаўналетніх. Пра гэта 22 сакавіка на прэс-канферэнцыі расказаў Дзмітрый Мялешка, намеснік начальніка ўпраўлення па ахове правапарадку і прафілактыкі ГУУС Мінгарвыканкама.
Фота ілюстрацыйнае
«Цяпер гэтае пытанне Міністэрствам унутраных спраў прапрацаванае і ўнесеныя змены, якія дазволяць забараніць менавіта дзецям без згоды бацькоў звяртацца ў банкі і адкрываць такія рахункі. Узрост будзе абмежаваны 18 гадамі, у адваротным выпадку павінен будзе прысутнічаць законны прадстаўнік», — растлумачыў чыноўнік.
Цяпер рахунак у банку ў Беларусі можна адкрыць з 14 гадоў (са згоды законнага прадстаўніка), з 16 гадоў — самастойна.
«Нават яго прыхільнікі зразумелі, што жыць як раней ужо не атрымаецца». Беларусы расказалі пра атмасферу ў краіне напярэдадні выбараў5
Каментары