У Нью-Ёрку ўлады прымусова ўсыпілі ручную вавёрку, вельмі папулярную ў сацсетках
Вавёрка па мянушцы Арахіс, якая стала знакамітай дзякуючы вялікай і адданай аўдыторыі ў інстаграме, была ўсыпленая праз некалькі дзён пасля яе канфіскацыі ўладамі Нью-Ёрка, паведамляе Бі-бі-сі. Перад гэтым Дэпартамент аховы навакольнага асяроддзя штата забраў вавёрку з дома яе гаспадара Марка Лонга пасля скаргаў на небяспечныя ўмовы для ўтрымання жывёліны.
Чыноўнікі паведамілі, што расследаванне было распачата пасля шматлікіх паведамленняў ад грамадскасці адносна небяспечных умоў утрымання дзікіх жывёл, якія могуць быць носьбітамі шаленства, і адносна незаконнага ўтрымання дзікіх жывёл у якасці хатніх гадаванцаў.
Марк Лонга прасіў улады вярнуць Арахіса, напісаўшы ў інстаграме, што для ўстановы, якая яго забрала, «ёсць асобнае месца ў пекле».
Аднак неўзабаве ўлады паведамілі, што вавёрку ўсыпілі пасля таго, як яна ўкусіла супрацоўніка падчас канфіскацыі. Таксама Дэпартамент аховы навакольнага асяроддзя ўсыпіў янота па імені Фрэд, якога таксама канфіскавалі з дому Лонга падчас таго самага ж рэйду.
Навіна пра смерць Арахіса з'явілася на фоне петыцыі, пад якой сталі збіраць подпісы за яго вяртанне. Подпісаў былі сабралі ўжо больш за 30 000. Акрамя таго, Марк Лонга пачаў збор грошай на юрыдычныя выдаткі для змагання з Дэпартаментам, і ўжо назбіраў 13500 даляраў.
Пасля атрымання інфармацыі пра ўсыпленне Марк Лонга назваў усё, што адбылося, «жудасным кашмарам». Ён апублікаваў нумар тэлефона Дэпартамента і заклікаў прыхільнікаў тэлефанаваць туды ды «выказваць свае пачуцці».
У асобным сторыс у інстаграме ён падзякаваў фанатам Арахіса за «любоў і падтрымку», якую атрымала яго сям’я, і заклікаў рабіць ахвяраванні, каб дапамагчы іншым жывёлам, якія ўтрымліваюцца на ягонай «ферме свабоды».
Лонга забраў сабе Арахіса сем гадоў таму, калі ўбачыў вавёрчаня каля маці, якая трапіла пад колы аўтамабіля. Ён даглядаў вавёрку, пакуль яна не набралася сілаў, і выпусціў яе, але на наступную раніцу зноў знайшоў на сваёй верандзе з «адарваным кавалкам хваста».
З таго часу акаўнт Арахіса ў Інстаграме сабраў больш за 500 000 падпісчыкаў. На старонцы размешчаныя відэа, дзе вавёрка ўдзельнічае ў сцэнах з Лонга, часам апранутая ў капялюшыкі, залазіць на яго ці абдымаецца з ім, а таксама часта есць вафлі.
У Зімбабвэ з-за засухі збіраюцца забіць 200 сланоў
Беларуска падабрала на вуліцы ваверчаня. Як выявілася, дарма
З дзікімі жывёламі ў Еўропе будуць змагацца пры дапамозе кантрацэптываў
За апошняе дзесяцігоддзе на 30% скарацілася папуляцыя вожыкаў
Беларус працаваў у Афрыцы і купіў сабе бабуіна
«Парваў-пагрыз усё цела». Кот праваабаронцы Сыса брутальна напаў на яго жонку, тая трапіла ў бальніцу
Былога каліноўца, якога затрымалі ў В’етнаме, імгненна выдалі спецслужбам Лукашэнкі ФОТА53
Каментары