HUBAZiK: Padpiska na ekstremisckija telehram-kanały pakul nie karajecca
HUBAZiK jašče raz patłumačyŭ, ci buduć pryciahvacca da adkaznaści padpisčyki telehram-kanałaŭ.
«Telehram-kanał moža pryznavacca jak ekstremisckim materyjałam, tak i ekstremisckim farmiravańniem, — tłumačyć načalnik adździeła HUBAZiK Viačasłaŭ Arłoŭski. — Kali ŭ jaho status ekstremisckaha farmiravańnia, to jaho padpisanty sapraŭdy mohuć stać fihurantami kryminalnych spraŭ. Što tyčycca padpiski na kanały, jakija pryznajucca ekstremisckimi materyjałami, to jana pakul nie karajecca.
Ale pry adnoj umovie: kali padpisant nie akazvaje padtrymku ŭ papularyzacyi kanała, to-bok nie repościć, nie pieravodzić hrošaj, nie źlivaje tudy infarmacyju. Kali pieraličanyja dziejańni jość, to padpisčyki, adpaviedna, pryciahvajucca da administracyjnaj adkaznaści».
Adnak pakul z tłumačeńniaŭ siłavikoŭ nie zrazumieła, jakija telehram-kanały buduć pryznavacca ekstremisckim farmiravańnie i pry jakich umovach.
Nahadajem: ni telehram-kanał «Našaj Nivy», ni naš sajt, ni sacyjalnyja sietki nie pryznany ŭładami ekstremisckimi. Śmieła čytajcie nas, padpisvajciesia, dzialiciesia navinami ź inšymi!
Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach4
Kamientary