Były prezident PAR Džejkab Zuma, asudžany na 15 miesiacaŭ za niepavahu da suda, zdaŭsia ŭładam u piatnicu. Adnak jon vyzvaleny ad adbyćcia pakarańnia ŭ turmie. Pryčyna — pierapoŭnienaść miescaŭ źniavoleńnia, piša Bi-bi-si.
81-hadovy Zuma raniej byŭ vyzvaleny ŭmoŭna-daterminova pa miedycynskich pakazańniach, što było pryznana sudom niezakonnym.
Ministr justycyi Ronald Łamoła zajaviŭ, što Zuma vyzvalili ad adbyćcia pakarańnia ŭ suviazi ź pierapoŭnienaściu turmaŭ.
Jaho ŭklučyli ŭ prahramu vyzvaleńnia złačyncaŭ ź nizkim uzroŭniem niebiaśpieki dla hramadstva. Hetaja prahrama była zapuščanaja ŭ krasaviku z metaj razhruzić pierapoŭnienyja turmy. Za hety čas, pavodle danych uład, pa joj vyzvalilisia dzieviać tysiač čałaviek.
Ronald Łamoła padkreśliŭ, što rašeńnie było pryniata turemnymi ŭładami bieź jakoha-niebudź palityčnaha ŭmiašańnia i što Zuma nie karystaŭsia nijakimi pryvilejami.
Pradstaŭnik Departamienta turmaŭ paviedamiŭ Bi-bi-si, što kolkaść źniavolenych u PAR na 47% pieravyšaje aficyjnuju ŭmiaščalnaść.
Situacyja paharšajecca pažaram u adnoj z turmaŭ na minułym tydni, učynienym, jak śćviardžajecca, źniavolenymi. U vyniku čatyry tysiačy źniavolenych byli pieraviedzienyja ŭ inšyja ŭstanovy, dzie dla ich nie było kojka-miescaŭ.
Kamisar turmaŭ PAR Makhoci Tabakhale skazaŭ, što Zuma źjaviŭsia ŭ papraŭčuju ŭstanovu Estkort u svajoj rodnaj pravincyi Kvazułu-Natał u piatnicu ranicaj i byŭ «zarehistravany» ŭ sistemie, ale praz hadzinu vyzvaleny.
Łabisckaja hrupa AfriForum abvinavaciła Departamient turmaŭ PAR u sadziejničańni Džejkabu Zuma va ŭchileńni ad pravasudździa.
Šlach za kraty
Pieršapačatkova palityk trapiŭ u turmu za toje, što nie źjaviŭsia na rasśledavańnie spravy ab karupcyi padčas svajho prezidenctva.
Jon byŭ vymušany pajści ŭ adstaŭku ŭ 2018 hodzie paśla dzieviaci hadoŭ znachodžańnia na pasadzie, ale nieadnarazova śćviardžaŭ, što staŭ achviaraj palityčnaj zmovy.
Turemnaje źniavoleńnie Zuma vyklikała masavyja biesparadki — zahinuła bolš za 350 čałaviek, u asnoŭnym u pravincyi Kvazułu-Natał — apłocie Zuma.
U lipieni były prezident PAR Džejkab Zuma jeździŭ u Rasiju, jak zajaviŭ jahony fond, na lačeńnie. Paśla hetaha jon viarnuŭsia na radzimu.
Da hetaha jon byŭ umoŭna-daterminova vyzvaleny pa nieahučanaj miedycynskaj pryčynie byłym kiraŭnikom turemnaj słužby Arturam Frejzieram, jaki ličycca sajuźnikam byłoha prezidenta.
Byłaja deputatka Maryja Vasilevič sabrałasia zamuž FOTA12
Kamientary