Pucin hatovy spynić vajnu na siońniašniaj linii frontu — Reuters
«Pucin moža vajavać stolki, kolki spatrebicca, ale jon taksama hatovy da spynieńnia ahniu, kab zamarozić vajnu».
Prezident Rasii hatovy spynić vajnu va Ukrainie šlacham pieramovaŭ ab spynieńni ahniu, jakija pryznajuć ciapierašnija linii frontu, paviedamili ahienctvu Reuters čatyry rasijskija krynicy, zajaviŭšy, što jon hatovy praciahvać baraćbu, kali Kijeŭ i Zachad nie adreahujuć.
Try krynicy, znajomyja z dyskusijami ŭ asiarodździ Pucina, paviedamili, što rasijski lidar vykazaŭ niezadavolenaść nievialikaj hrupie daradcaŭ tym, što jon uvažaje za sproby Zachadu pieraškodzić pieramovam, i pastanovaj prezidenta Ukrainy Uładzimira Zialenskaha vyklučyć pieramovy.
«Pucin moža vajavać stolki, kolki spatrebicca, ale Pucin taksama hatovy da spynieńnia ahniu — kab zamarozić vajnu», — skazała inšaja z čaćviorki, vysokapastaŭlenaja rasijskaja krynica, jakaja pracavała z Pucinym i viedaje pra pieramovy na najvyšejšym uzroŭni ŭ Kramli.
Piataja krynica nie stała kamientavać zamarožvańnie vajny na ciapierašnich frantach.
Pres-sakratar Pucina Dźmitryj Piaskoŭ u adkaz na prośbu prakamientavać situacyju, zajaviŭ, što kiraŭnik Kramla nieadnarazova davaŭ zrazumieć, što Rasija adkrytaja da dyjałohu dla dasiahnieńnia svaich metaŭ, zajaŭlajučy, što kraina nie choča «viečnaj vajny».
Ministerstva zamiežnych spraŭ i abarony Ukrainy nie adkazali na pytańni.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu39
Kamientary