Пяскоў: Беларусь не зможа купіць у Расіі нафту па $4 за бараль, калі не будзе прапановы
Беларусь не зможа купіць у Расіі нафту па цане чатыры даляры за бараль, калі не будзе такой рынкавай прапановы. Пра гэта заявіў прэс-сакратар прэзідэнта Расіі Дзмітрый Пяскоў, перадае ТАСС.
Такім чынам ён пракаментаваў словы прэм'ер-міністра Беларусі Сяргея Румаса, які распавёў аб планах краіны купляць нафту ў красавіку менавіта па такім кошце і нават назваў дакладны аб'ём — два мільёны бараляў.
«Калі будуць такія часы, калі будуць прапановы па такіх цэнах, значыць, можна будзе закупіць, але калі такіх часоў рынкавых не наступіць і нават калі наступіць, але будзе адсутнічаць прапанова, тады закупіць не атрымаецца», — заўважыў Пяскоў.
Раней Румас распавёў, што пастаўка расійскай нафты ў Беларусь будзе весціся без прэміі расійскім кампаніям, паколькі на гэтым настаяў Аляксандр Лукашэнка. Пры гэтым ён сцвярджае, што «Белнафтахім» неўзабаве закончыць перамовы аб пастаўках расійскай нафты на красавік.
«Нават яго прыхільнікі зразумелі, што жыць як раней ужо не атрымаецца». Беларусы расказалі пра атмасферу ў краіне напярэдадні выбараў8
Каментары