Кацярына Ваданосава вышыла шыкоўны вясельны строй — толькі паглядзіце
Спявачка Кацярына Ваданосава паказала новы строй ручной работы, які цалкам зрабіла сама.
Спявачка скончыла шыць строй на пачатку мінулага тыдня.
«Строй — цалкам мая ручная работа: кашуля, намітка, фартух, спадніца, гарсэт, шаўковая хустка — усё пашыта ды вышыта мною без выкарыстання швейнай машынкі, на руках, іголкай. Пояс я саткала на дошчачках. Карункі на фартуху звязала шыдэлкам са звычайнай катушачнай ніткі для шыцця, таму яны атрымаліся вельмі далікатнымі, тонкімі ды ажурнымі», — дзеліцца майстрыха.
Строй не з’яўляецца рэканструкцыяй нейкага комплексу і не мае дакладнай рэгіянальнай прывязкі.
«Арнаменты на фартуху ды кашулі, напрыклад, неглюбскія, але там не выкарыстоўвалі танюткі лён, фактычна марлю — «серпанок», як зрабіла я. А гарсэт пашыты так, як шыла мая бабуля, якая паходзіла з-пад Маладзечна. Ну і, канешне, намітку вязалі наглуха, а не распускалі, як вэлюм, але, спадзяваюся, вы мне даруеце гэтую вольнасць», — апісвае працу Кацярына Ваданосава.
«Мне заўсёды бывае трошкі крыўдна за фартухі: звычайна вышыўкі ў іх у разы больш за аб’ёмы вышыўкі на кашулях, працы і часу яны вымагаюць больш, але гэта мала хто заўважае, бо арнаменты губляюцца на фоне спадніц і знаходзяцца далёка ад твару, мала хто на іх звяртае ўвагу», — заўважае спявачка.
Гэта ўжо не першы народны строй, пашыты ёй.
Тры месяцы працы: спявачка Кацярына Ваданосава пашыла беларускі народны строй ФОТЫ
Ваданосава пра рак: Цуд не адбыўся. У мяне будзе яшчэ адна аперацыя
-
Беларус стаў пераможцам конкурсу піяністаў у Іспаніі
-
Саджалі на кол, білі жалезным ключом па галаве. Жыццё, каханне і турэмныя здзекі з класіка белліта Кузьмы Чорнага
-
Выйшаў доўгачаканы працяг культавай украінскай гульні S.T.A.L.K.E.R. У Расіі геймераў прыстрашваюць не гульнявой, а рэальнай зонай за дзяржздраду
Памёр дзед Колі Лукашэнкі — былы вязень ГУЛАГа, асуджаны за дапамогу «бандэраўцам»3
Каментары