У Эстоніі пытанне аб пазбаўленні беларусаў і расіян выбарчых правоў зайшло ў тупік
Супраць абмежавання правоў выступаюць сацыял-дэмакраты.
Палітычныя дыскусіі пра тое, ці варта пазбавіць людзей з расійскім і беларускім грамадзянствам права голасу на муніцыпальных выбарах у Эстоніі, зайшлі ў тупік. Па словах міністра юстыцыі Кале Лаанета, на працягу апошняга месяца кааліцыя гэтага пытання не ўздымала, піша ERR.
У сярэдзіне жніўня пад кіраўніцтвам міністра юстыцыі Кале Лаанэта была завершана праца над эскізам законапраекта, які абмяжоўвае права грамадзян Расіі і Беларусі на ўдзел у мясцовых выбарах. Тады міністр ад Партыі рэформаў таксама павінен быў прадставіць яго сваім партнёрам па кааліцыі.
Лаанет паведаміў, што кааліцыя дагэтуль не прасунулася ў гэтым пытанні, бо сацыял-дэмакраты выступаюць супраць абмежавання выбарчых правоў.
Лаанет таксама адзначыў, што гэтыя альтэрнатывы пазбаўленню выбарчых правоў можна будзе абмяркоўваць толькі пасля таго, як кааліцыя адназначна вырашыць, што пазбаўленне выбарчых правоў здымаецца з парадку дня. Нягледзячы на патавую сітуацыю, такога рашэння, па словах міністра юстыцыі, на дадзены момант няма.
Станам на май мінулага года, у Эстоніі пражывалі 69 000 расійскіх і беларускіх грамадзян, якіх бы закранула пазбаўленне выбарчага права на муніцыпальных выбарах.
У Беларускай праваслаўнай царкве абнавілі цэннік? Вось якія будуць рэкамендаваныя тарыфы7
Каментары