«Давайце яшчэ гуляць у цэлак». Бондарава назвала Прыдыбайлу заднепрывадным лабістам палавых дэвіяцый

Зацяжны канфлікт паміж беларусам Канстанцінам Прыдыбайлам, які працуе на расійскую прапагандысцкую станцыю Russia Today, і даносчыцай Вольгай Бондаравай атрымаў новае развіццё.

У аўторак 16 красавіка ў сваім тэлеграм-канале Бондарава размясціла пост з копіяй адказу з Міністэрства антыманапольнага рэгулявання і гандлю на свой зварот, каб прэзерватывы і лубрыканты прыбралі з прыкасавых зон магазінаў. Даносчыца лічыць гэтыя тавары эратычнай прадукцыяй, якая шкодзіць маральнасці:

«Нас прымушаюць вывесці інтымную блізкасць з сакральнай сферы. <…> Чаму лібералы забіваюць маральнасць? Таму што яна перашкаджае рэалізацыі неаліберальнай ідэалогіі, якая праз разбурэнне інстытута сям'і імкнецца да мэты скарачэння народанасельніцтва планеты. Мяняйце палавых партнёраў так часта, як мыеце рукі — дзе шмат ходзяць, там трава не расце».

Скрын з гэтым выказваннем у той жа дзень размясціў у сваім канале Прыдыбайла з каментаром, у якім выказаў свой погляд на практыкі сэксу сярод падлеткаў:

«Ну, давайце яшчэ ў 2024 годзе гуляць у цэлак-невідзімак. Для актывісткі можа стаць шакуючым адкрыццём, што вялізная колькасць школьніц проста цяпер зарабляюць грошы вэбкамам. Гэта рэальнасць, і нічога з ёй не зробіш. 

Таксама вялікая колькасць школьніц страцілі «анальную цнатлівасць» у вельмі юным узросце, — піша прапагандыст. — Гэта, у прынцыпе, цікавы феномен, што дзяўчынкі і хлопчыкі разумеюць, што яны замалыя для генерацыі дзяцей і, прабачце, я***ца ў дупы. І тады нават на медаглядзе разам з класам ніхто не будзе шушукацца, што Воля ці Маня не нявінніцы».

Пост Прыдыбайлы выклікаў актыўнае абмеркаванне. На гэты час пад ім больш за 170 каментароў. Бондарава зрабіла скрыны найбольш адметных. У адным з каментароў Прыдыбайла называе кандыдатку ў дэпутаты ад Кампартыі Беларусі «хворай», у іншым заўважае, што цяпер такія, як Бондарава, «проста шкоднікі». Бондарава размясціла адказы журналіста RT у сваім канале з каментаром.

У ім камуністка не выбірала слоў:

«Прыдыбайла і ё**а ў ж**у. Як кажуць, у каго што баліць… Заднепрывадны (гомасэксуальнай арыентацыі — НН) расійскі журналіст, які ўзяўся раздаваць беларусам парады адносна іх інтымнага жыцця, апраўдвае прастытуцыю непаўналетніх і палавыя вычварэнствы. <…>

Нічога не зробіш — складзіце ручкі і здайцеся на міласць лабістаў палавых дэвіяцый — такі пасыл ліберала беларускаму грамадству».

Бондарава нагадвае, што ў «нас ёсць Канцэпцыя нацыянальнай бяспекі, канстытуцыя і іншыя законы, якія замацоўваюць сямейныя каштоўнасці». Таму «ніякія замежнікі, як бы яны ні заходзіліся ў візгаце ў спробах іх адмяніць, не змогуць знішчыць інстытут сям'і ў Беларусі».

Нагадаем, што Прыдыбайла ў канцы мінулага года раскрытыкаваў Бондараву за барацьбу «з бісквітнымі пенісамі і вясёлкай на дзіцячых тортах» і заўважыў, што «часам ідыётаў трэба ізаляваць ад грамадства, нават калі яны абмазаныя з ног да галавы «патрыятызмам».

У адказ у тэлеграм-канале «Следуй за кроликом» — яго вядзе хтосьці з прыхільнікаў Бондаравай — былі размешчаныя «доказы» таго, Прыдыбайла гей.

«Наша Ніва» будзе далей сачыць за развіццём гэтага канфлікту.

• 2
• 0
• 76
• 20
• 6
• 4
• 5
• 0