Pavodle aficyjnaj statystyki, biełaruskija IT-kampanii ŭ žniŭni naniali rekordnuju sioleta kolkaść rabotnikaŭ. Ale nie ŭsio tak prosta, piša dev.by.
Pavodle źviestak Biełstata, usplosk zvalnieńniaŭ u IT pryjšoŭsia na apošnija dva miesiacy leta. U lipieni kampanii siektara «infarmacyi i suviazi» zvolnili bolš za 1,3 tysiačy čałaviek, u žniŭni bolš za 1,2 tysiačy čałaviek. Heta na 20-30% bolš, čym u traŭni—červieni.
Da hetaha ŭ siarednim štomiesiac z kampanij zvalniali krychu bolš za tysiaču śpiecyjalistaŭ. A bolš za ŭsio śpiecyjalistaŭ było zvolniena tolki ŭ sakaviku — amal 1,4 tysiačy.
Pry hetym tempy zvalnieńniaŭ pakul na 30% nižejšyja, čym u 2023 hodzie. Za studzień—žnivień kampanii siektara infarmacyjna-kamunikacyjnych technałohij zvolnili amal 9,3 tysiačy supracoŭnikaŭ. Letaś za anałahičny pieryjad zvolnienych było 13 tysiač.
Najmać IT-kampanii sioleta stali bolš. Asabliva jany aktyvizavalisia ŭ lipieni-žniŭni. Pavodle źviestak aficyjnaj statystyki, u lipieni kampanii IT i suviazi ŭziali na pracu bolš za 1,2 tysiačy śpiecyjalistaŭ, u žniŭni — bolš za 1,5 tysiačy śpiecyjalistaŭ.
Heta rekordnyja ličby najmu ŭ hetym hodzie. U paraŭnańni z papiarednimi miesiacami kolkaść pracaŭładkavanych śpiecyjalistaŭ u kampanii IT i suviazi vyrasła na 10-30%.
Usiaho za studzień—žnivień hetaha hoda kampanii IKT uziali na pracu amal 9,7 tysiačy śpiecyjalistaŭ — na 30,5% bolš, čym za taki ž pieryjad minułaha hoda.
Pryniatych na pracu śpiecyjalistaŭ sioleta ŭžo na 4,5% bolš, čym zvolnienych.
Pieršy namieśnik ministra ekanomiki Andrej Kartun niadaŭna zajaviŭ, što kolkaść ajcišnikaŭ u krainie raście. Pavodle jaho słoŭ, kožny miesiac kolkaść ajcišnikaŭ pavialičvajecca na 100-200 čałaviek, nibyta adna z pryčyn — viartańnie IT-śpiecyjalistaŭ.
Vyjšaŭ na svabodu 76-hadovy Siamion Dobkin, brat zasnavalnika EPAM7
Kamientary