У берлінскім выдавецтве Edition Fototapeta выйшла ў перакладзе на нямецкую мову кніга пісьменніка Альгерда Бахарэвіча «Апошняя кніга пана А.». Пра гэта паведаміў на сваёй старонцы ў фэйсбуку сам аўтар.
«Мая другая афіцыйна прызнаная ў Беларусі экстрэмісцкай кніга цяпер мае нямецкае ўвасабленне. Праца над ёй была неймаверна цікавай і незвычайнай і шмат дала нам усім — спачатку я зрабіў пераклад на маю вельмі недасканалую, але нахабную нямецкую, а затым Андрэас Ростэк здзейсніў сапраўднае перастварэнне тэксту на прыгожы літаратурны Deutsch. Гэта была фантастычна займальная моўная і перакладніцкая прыгода. Дзякуй, Андрэас!» — напісаў Альгерд Бахарэвіч.
Праз дзесяць дзён прэзентацыя кнігі пройдзе на Лейпцыгскім кніжным кірмашы. Замовіць нямецкі пераклад можна на сайце выдавецтва.
У сакавіку 2023 года арыгінал кнігі на беларускай мове быў прызнаны лукашыстамі «экстрэмісцкім».
-
Новы міністр культуры адказаў, ці гатовы даць другі шанц рэжысёру Андрэю Курэйчыку і ці прыме Купалаўскі Зою Белахвосцік
-
У Лошыцкай сядзібе ў суботу пройдзе баль па матывах «Дзікага палявання караля Стаха»
-
«У беларускім тэатры сёлета рост рэпрэсій. Толькі ў лістападзе звольнілі шэсць чалавек з РТБД»
Прапагандысты заявілі пра разгром сеткі салідарнасці і арышт яе ўдзельнікаў8
Каментары