У некаторых рэгіёнах Індыі тэмпература паветра дасягнула 42,2 градуса па Цэльсіі.
Фота: Getty Images
Праз анамальную спёку ў індыйскіх штатах Утар-Прадэш і Біхар за апошнія тры дні загінулі 98 чалавек.
Паведамляецца, што ў штаце Утар-Прадэш праз спёку загінулі 54 чалавекі, а ў Біхары — 44. Большасць памерлых былі ва ўзросце 60 гадоў і старэйшыя.
За апошнія тры дні ў адну з раённых бальніц шпіталізавалі прынамсі 400 чалавек. Пацыенты скардзяцца на ліхаманку, праблемы з дыханнем і іншыя ўскладненні праз цеплавы ўдар.
Адзначаецца, што ў некаторых рэгіёнах Індыі тэмпература паветра дасягнула 42,2 градуса па Цэльсіі.
Каментары