Сытны кускус стане асновай для канфеці з рознай гародніны, залітага сметанкова-лімонным соусам. Фета і вяленыя памідоры, міндаль і нут зробяць страву яшчэ больш прыцягальнай.
Фота: delish.com
Салат даволі просты, але ў той жа час асаблівы — так, што вы захочаце паўтарыць яго зноў і зноў. Дарэчы, не бойцеся замяняць адны прадукты іншымі — сюды падыдуць розныя сыры, бабы і арэхі.
Спатрэбіцца:
- 1 1/2 шклянкі несалёнага ці слабасалёнага курынага ці агародніннага булёну
- 1 шклянка кускусу
- 1/4 ч. л. здробненых шматкоў чырвонага перцу
- соль 3 ч. л.
- алей — найлепш аліўкавы 1 ч. л.
- дробна нацёртая цэдра лімона 1 ч. л.
- свежы лімонны сок 2 ч. л.
- дыжонская гарчыца 1 ч. л.
- бляшанка нуту, прамытага і абсушанага (420 г)
- 1/2 агурка, разрэзанага ўздоўж на чвэрткі, дробна нарэзанага
- 1/2 вялікага чырвонага балгарскага перца, без пладаножкі і насення, дробна нарэзанага
- 1/2 шклянкі раскрышанага сыру фета і яшчэ трохі для падачы
- 1/2 шклянкі падсмажанага нарэзанага міндалю
- 1/2 шклянкі свежага лісця мяты, буйна нарэзанага
- 1/2 шклянкі вяленых памідораў у алеі, асушаных і дробна нарэзаных
- 1/4 кубкі дробна нарэзанай чырвонай цыбулі
Як гатаваць:
- У сярэдняй каструлі на сярэднім агні давядзіце булён да кіпення. Дадайце кускус, чырвоны перац і 1/4 чайнай лыжкі солі, затым накрыйце вечкам і зніміце з агню. Дайце пастаяць 10 хвілін, потым перамяшайце відэльцам і перакладзіце ў міску сярэдняга памеру.
- Тым часам у вялікай місцы змяшайце алей, цэдру лімона, лімонны сок, гарчыцу і 1/4 чайнай лыжкі солі да аднастайнай масы. Дадайце кускус, нут, агурок, балгарскі перац, фету, міндаль, мяту, памідоры і цыбулю і перамяшайце.
- Падавайце салат цёплым ці астуджаным.
Вучылася на настаўніцу беларускай мовы, строіла палкоўнікаў. Шэсць фактаў пра Вольгу Чамаданаву, якая ідзе на выбары19
Каментары