Рэдактарку газеты Мазырскага НПЗ, якую затрымлівалі за «экстрэмізм», звольнілі і замянілі на прапагандыста з Рагачова
У газеты «Мозырьский нефтепереработчик» — новы галоўны рэдактар. Як высветліў Флагшток, замест Святланы Богуш выданне ўзначаліў Андрэй Шышкін — сенатар, член Савета Рэспублікі.
Нагадаем, 10 ліпеня дваіх супрацоўнікаў Мазырскага НПЗ — памочніка гендырэктара Валерыя Бойшу і рэдактара газеты Святлану Богуш затрымалі за «распаўсюд інфармацыйнай прадукцыі», якая ўнесеная ў так званы «рэспубліканскі спіс экстрэмісцкіх матэрыялаў», куды ўключаныя незалежныя інфармацыйныя рэсурсы.
Практычна адразу пасля гэтага Святлану Богуш звольнілі — у новым нумары «МН», які выйшаў неўзабаве, рэдактарам ужо пазначаны Андрэй Шышкін — былы галоўны рэдактар газеты Рагачоўскага райвыканкама. Гэтае выданне прыкметна больш за іншых раёнак выпускала прапагандысцкія матэрыялы, перадрукоўвала публікацыі праўладных рэсурсаў з абразамі апанентаў рэжыму.
За гэта рагачоўскую рэдакцыю пад кіраўніцтвам Шышкіна называлі «рэжымнымі пацукамі» — адпаведнае графіці з'яўлялася на будынку рэдакцыі.
Губазікі спынілі аўто ў Брэсце, кіроўца спрабаваў уцячы і наехаў на аднаго з іх1
Каментары