Пра паспяховыя ўдары, нанесеныя Узброенымі сіламі Украіны па важных расійскіх вайсковых аб'ектах, паведаміў Генштаб УСУ.
Паводле інфармацыі Генштаба, 2 жніўня ў порце Севастопаля УСУ паспяхова пацэлілі ў падводную лодку расійскага Чарнаморскага флоту «Растоў-на-Доне». У выніку трапляння лодка, як сцвярджаецца, затанула на месцы.
Падводная лодка Б-237 «Растоў-на-Доне» (па класіфікацыі НАТА — клас Kilo) — адна з чатырох падводных лодак гэтага класа, здольных прымяняць ракеты «Калібр». Яе ўвялі ў эксплуатацыю 26 снежня 2014 года, а 13 верасня 2023 года ў выніку ўкраінскай ракетнай атакі судна атрымала істотныя пашкоджанні. Пасля таго яго рамантавалі і праводзілі выпрабаванні ў акваторыі Севастопальскай гавані. Кошт «Растова-на-Доне» ацэньваецца ў 300 мільёнаў даляраў.
Таксама паведамляецца, што падраздзяленні ўкраінскіх Ракетных войскаў ва ўзаемадзеянні з падраздзяленнямі Ваенна-марскіх сілаў істотна пашкодзілі ў акупаваным Крыме 4 расійскія пускавыя ўстаноўкі ЗРК «Трыумф».
Галоўкам ВМС Украіны: Расія губляе крымскі хаб у Чорным моры
Украіна пачала мініраваць шляхі расійскіх караблёў у Чорным моры пры дапамозе дронаў. І гэта дае поспехі
Украіна заявіла пра знішчэнне яшчэ аднаго расійскага вайсковага карабля
«Укрпошта» працягвае на сваіх марках тапіць расійскі вайсковы флот
Акаўнт Кабанчука ўзламалі — але ці беларускія спецслужбы?11
Каментары