Усяго патроху44

Вароны памятаюць крыўду 17 гадоў

Адпаведна новаму даследаванню, вароны не проста памятаюць нанесеную ім крыўду, але і на працягу доўгіх гадоў помсцяць сваім крыўдзіцелям.

Чорная варона. Фота: Wikimedia Commons

Як піша Daily Mail, эксперымент правёў вучоны-эколаг з Вашынгтонскага ўніверсітэта Джон Марцлаф. У 2006 годзе ён разам з калегамі ў пяці розных месцах Сіэтла злавіў ды акальцаваў па 7-15 варон. Перад тым, як гэта зрабіць, даследчыкі надзелі маскі. Пакуль птушкі былі ў няволі, іхнія суродзічы кружылі вакол участка і выдавалі трывожныя гукі.

У наступныя гады ён і яго памочнікі час ад часу надзявалі свае маскі і выходзілі на прагулку. Вароны пастаянна іх сустракалі крыкам, а часам і спрабавалі атакаваць. Калі ж даследчыкі надзявалі іншыя, нейтральныя маскі, то такой рэакцыі не назіралі.

Вучоныя спрабавалі падмануць варон, пераварочваючы маску дагары нагамі. Па іх словах, на кароткі момант вароны падаваліся збітымі з панталыку, але затым яны проста пераварочвалі галаву, ідэнтыфікавалі небяспеку і пачыналі біць трывогу.

З цягам часу колькасць варон, якія выказвалі агрэсіўнасць да людзей у небяспечных масках павялічвалася. Так, калі ў першы год трывожнасць праяўляла каля 30% варон, то за тры гады іх колькасць узрасла ўдвая. А ў 2013 годзе, як згадвае прафесар, яго атакавалі адразу 47 варон.

Такую вялікую колькасць вучоныя тлумачаць тым, што вароны могуць навучаць іншых, уключаючы і сваё патомства, распазнаваць і асцерагацца людзей, якія прадстаўляюць пагрозу.

Як адзначае Марцлаф, пасля піку атакуючых варон у 2013 годзе, іх колькасць зніжалася, але толькі ў 2023 годзе, праз 17 гадоў пасля пачатку эксперыменту, не было зарэгістравана ніводнага нападзення.

Гэта можа сведчыць пра тое, што памяць варон з цягам часу аслабляецца, і праз некалькі пакаленняў небяспека ўспрымаецца ўжо не так востра.

Папярэднія даследаванні паказалі, што вароны валодаюць высокай інтэлектуальнай здольнасцю, у тым ліку ўменнем выкарыстоўваць інструменты і нават лічыць да чатырох.

Каментары4

  • мясцовы2
    04.11.2024
    А беларусы забываюць яе праз пару год
  • Жвір
    04.11.2024
    Што да памяці крыўдаў пацьвердзіць не магу, а вось дабрыню яны памятаюць. Выратавалі малое варанё, дык яны дасюль памятаюць. Летась ізноў малое зьляцела ў іх з гнязда, дык яны зусім не выяўлялі непакою. Бачылі, што яго кормяць, і ваду даюць, і гуляюць зь ім. Паводзілі сябе спакойна, нават дапамагалі, сачылі за дваровымі катамі й адганялі , калі тыя спрабавалі прасачыцца на падворак.
    А малое такое сьмешнае было, як захоча есьці, дык само падыходзіць, сядае насупраць, нешта ціўкае картава й адчыняе сваю дзюбу-пінцэт, каб туды ежу клалі. Надта ж тварог упадабала, але залішняга ня ела, у нейкі момант страчвала цікавасьць да ежы ды йшло займацца сваёй справай. Нейдзе цераз 2 тыдні пачало падлягаць, 3-5 метраў, і неўзабаве паляцела.
    Цяпер нейкая дарослая варона часам прылятае да таго места, дзе міска з вадою стаяла, пасядзіць там, і ляціць некуды. Можа гэта тое варанё, цяпер дарослае, нічым яго не памеціў у свой час, не пазнаць яго.
  • 0101
    04.11.2024
    А колькі памятае лукашэнка?

Былы афіцэр, выжыў у страшным баі. Хто той каліновец Верамейчык, якога В’етнам аддаў беларускаму КДБ?28

Былы афіцэр, выжыў у страшным баі. Хто той каліновец Верамейчык, якога В’етнам аддаў беларускаму КДБ?

Усе навіны →
Усе навіны

У Мінску людзі ўначы выстройваюцца ў чэргі, каб купіць рэдкія манеты

Расійскі самалёт скінуў бомбу на школу ў Белгарадскай вобласці4

МУС паказала трэніроўку разгону мітынгаў ФОТЫ13

Арыштаваны дом Цапкалаў у Мінску не прадалі на аўкцыёне — не знайшлося ахвотных1

Wyborcza паведамляе пра вобшук у Агнешкі Рамашэўскай — сама яна гэта адмаўляе6

Літоўская мытня чарговы раз ускладніла ўмовы для транзіту аўто з ЗША ў Беларусь. Якія аўто цяпер могуць захраснуць у порце Клайпеды?5

У кафэ ў Брэсце можна разлічыцца лісцем2

МТЗ правёў краш-тэст сваёй сякеры: інструмент пераехалі трактарам ВІДЭА7

Даляр узяў адзнаку 3,4 рубля

больш чытаных навін
больш лайканых навін

Былы афіцэр, выжыў у страшным баі. Хто той каліновец Верамейчык, якога В’етнам аддаў беларускаму КДБ?28

Былы афіцэр, выжыў у страшным баі. Хто той каліновец Верамейчык, якога В’етнам аддаў беларускаму КДБ?

Галоўнае
Усе навіны →