Расія не выключае ўзброенага канфлікту з НАТА ў найбліжэйшае дзесяцігоддзе
Армія РФ павінна быць гатова да магчымага ваеннага канфлікту з НАТА ў найбліжэйшае дзесяцігоддзе, заявіў міністр абароны РФ Андрэй Белавусаў на выніковай калегіі Мінабароны РФ у Маскве.
Міністр абароны Расіі 16 снежня заявіў пра магчымасць ваеннага канфлікту з НАТА «ў найбліжэйшае дзесяцігоддзе». Паводле слоў Белавусава, аб магчымасці такога канфлікту нібыта гавораць рашэнні, прынятыя на саміце НАТА, які прайшоў у ліпені гэтага года, а таксама «гэта знаходзіць адлюстраванне ў дактрынальных дакументах ЗША і іншых краін НАТА», дадаў Белавусаў.
Таксама ён назваў некаторыя лічбы.
Так, па словах Белавусава, узровень выдаткаў на нацыянальную абарону ў РФ дасягнуў паказчыка ў 6,3% ВУП, што складае 32,5% федэральнага бюджэту.
Таксама ён заявіў, што ў цяперашні час расійскімі войскамі выкарыстоўваецца больш за 3,5 тысяч беспілотнікаў, і гэтая лічба пастаянна расце. У РФ сфарміруюць новы род войскаў — «войскі беспілотных сістэм», завершаць іх стварэнне ўжо ў трэцім квартале 2025 года.
Звыш за 427 тысяч чалавек з пачатку 2024 года паступілі на службу па кантракце, паводле слоў Белавусава.
Расійскія вайскоўцы ў параўнанні з 2022 годам атрымліваюць у 7 разоў больш танкаў, у 3 разы больш БМП і БТР і ў 23 разы больш беспілотнікаў.
Па версіі Белавусава, расійская СПА збіла ў 2024 годзе 86 ракет Storm Shadow і Scalp, 215 ATACMS, 1629 снарадаў HIMARS, больш за 27 тысяч беспілотнікаў.
У наступным годзе, паводле Мінабароны, у Расіі збіраюцца маштабаваць вытворчасць комплексу сярэдняй далёкасці «Арэшнік».
Белавусаў даручыў забяспечыць абарону арсеналаў і баз гаруча-змазачных матэрыялаў у зоне дасяжнасці сродкаў паражэння УСУ.
У наступным годзе ва УС РФ паступяць стратэгічная АПЛ «Князь Пажарскі» і чатыры ракетаносцы Ту-160М.
Белавусаў таксама заявіў, што УСУ з 2022 года страцілі амаль 1 млн чалавек. У гэтым годзе страты УСУ перавысілі 560 тысяч вайскоўцаў забітымі і параненымі. У курскай аперацыі ўкраінцы страцілі больш за 40 тысяч вайскоўцаў, сцвярджае Белавусаў.
Прэзідэнт РФ Уладзімір Пуцін заявіў, у сваю чаргу, што адыходзячы год «стаў знакавым у дасягненні мэт спецыяльнай ваеннай аперацыі». Паводле яго слоў, УС Расіі «трывала валодаюць стратэгічнай ініцыятывай на ўсёй лініі баявога судакранання».
Штатная колькасць УС Расіі павышана да 1,5 млн вайскоўцаў, дадаў Пуцін. Штодня больш за тысячу расіян паступаюць на службу УС Расіі па кантракце, «людзі добраахвотна ідуць на фронт», сцвярджае ён.
«Непадкупным» беларускім дыпламатам у Малдове аказаўся кадравы супрацоўнік КДБ4
Каментары
Прыкладна гэтак жа Штаты дзейнічалі. Савок тады павёўся, таму і жылі ў дупе, бо ўсё на ваенку ішлу. Цяпер відаць гульцы памяняліся месцамі