Prodažy novych aŭto ŭ Biełarusi za studzień źmienšylisia amal na 50%
U studzieni ŭ Biełarusi pradali 756 novych lehkavych aŭtamabilaŭ, što na 46% mienš, čym pakazčyki papiaredniaha miesiaca. U paraŭnańni sa studzieniem 2022 hoda padzieńnie skłała 67%. Pra heta paviedamlaje Biełaruskaja aŭtamabilnaja asacyjacyja (BAA).
Samym kuplanym aŭtamabilem u Biełarusi zastajecca Geely. Brend trymaje lidarstva z červienia minułaha hoda. Za studzień było pradadziena 543 mašyny hetaj marki. Na druhim miescy raźmiaściłasia Lada, na trecim — kitajski brend JAC.
U svajoj spravazdačy Biełaruskaja aŭtamabilnaja asacyjacyja adznačyła, što asnoŭnym kankurentam dla rynku aŭto, jakija vyrablajucca ŭ krainie, zastajecca «niearhanizavany» ŭvoz aŭtamabilaŭ fizičnymi asobami z vykarystańniem zakanadaŭčych ilhot.
Taki typ uvozu, pa dumku ekśpiertaŭ BAA, pieraškadžaje prychodu novych kitajskich, iranskich i inšych aŭtavytvorcaŭ — niama spryjalnaha kankurentnaha asiarodździa.
Raniej paviedamlałasia, što prodažy aŭtamabilaŭ za minuły hod u Biełarusi skaracilisia ŭdvaja, a kolkaść madelaŭ, pradstaŭlenych na ajčynnym aŭtarynku — u čatyry razy.
Čytajcie taksama:
Novyja šeryja schiemy i prodaž pa davieranaści. Jak aŭtakamisy, pierakupy i pierahonščyki pracujuć u novych umovach
U Biełarusi buduć pradavać iranskija lehkaviki
Zapuścili bazu danych užyvanych mašyn
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary