U Łucku ŭ 80-ju hadavinu Vałynskaj trahiedyi adbyłasia sustreča prezidentaŭ Ukrainy i Polščy
Prezident Ukrainy Uładzimir Zialenski i prezident Polščy Andžej Duda sustrelisia ŭ Łucku, jak pieradaje suspilne.media.
9 lipienia Uładzimir Zialenski i Andžej Duda naviedali kafiedralny kaścioł Śviatych Piatra i Paŭła.
Vizit kiraŭnikoŭ dziaržaŭ u Łuck zahadzia nie anansavaŭsia, ale napiaredadni viečaram było paviedamleńnie, što ruch pa vulicach staroha horada, dzie znachodzicca chram, budzie zakryty ŭ suviazi ź mierapryjemstvami pamiaci achviar Druhoj suśvietnaj vajny i 80-hodździem Vałynskaj trahiedyi.
U mai pradstaŭnik polskaha MZS Łukaš Jasina ŭ intervju Onet, adkazvajučy na pytańnie, ci pavinien Zialenski paprasić prabačeńnia za Vałyń, adznačyŭ, što ŭ situacyi, kali «ŭkrainskaja dziaržava hetaha nie zrabiła, prezident Zialenski pavinien uziać na siabie bolš adkaznaści».
Na dumku Jasiny, Zialenski pavinien skazać: «Prašu prabačeńnia, prosim ab prabačeńni». «Hetaja formuła vielmi dobra pracuje ŭ polska-ŭkrainskich adnosinach», — ukazaŭ jon.
Vałynskaja raźnia — masavaje źniščeńnie Ukrainskaj paŭstanckaj armijaj etničnaha polskaha nasielnictva na terytoryi Vałyni, jano pačałosia ŭ sakaviku 1943 hoda i dasiahnuła piku ŭ lipieni taho ž hoda. Dziejańni polskaha boku ŭ adkaz, pačatyja z kanca leta 1943 hoda, pryviali da značnych achviar siarod ukrainskaha nasielnictva.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu33
Kamientary