Расійскі вядучы, які заклікаў тапіць і паліць украінскіх дзяцей, вярнуўся ў эфір
Тэлевядучы Антон Красоўскі, які заклікаў спальваць і тапіць украінскіх дзяцей, вярнуўся ў эфір Russia Today. Тэлеканал апублікаваў новы выпуск праекта «Спорт. Расія: XXI Стагоддзе», у якім Красоўскі выступае ў ролі вядучага, заўважыў расійскі рэсурс РБК.
Вяртанне Красоўскага адбылося менш чым праз два тыдні пасля таго, як галоўны рэдактар RT Маргарыта Сіманьян абвясціла, што тэлеканал спыняе з ім супрацоўніцтва.
Заклік забіваць дзяцей Красоўскі пазней патлумачыў так: «Ну бывае так: сядзіш у эфіры, цябе нясе. І ты не можаш спыніцца». Пазней ён папрасіў прабачэння за свае словы: «Я дурань, я не проста перайшоў межы. Я ненаўмысна іх сцёр, межы паміж слушнай справай і злом, паміж чыстым злом і адплатай, паміж намі і імі».
Як выглядае, такімі каштоўнымі кадрамі расійскія прапагандысцкія каналы раскідвацца не могуць. Зрэшты, большай нечаканасцю было ранейшае яго адхіленне, чым цяперашняе вяртанне, бо Красоўскі не сказаў насамрэч нічога такога, што супярэчыла б агульнай танальнасці вяшчання Russia Today. На ягоным месцы мог бы апынуцца любы іншы расійскі прапагандыст, і ў першую чаргу сама Сіманьян.
Кубракоў даводзіў, што міліцыянт Згірскі не датычны да банды налётчыкаў. Цяпер таго судзяць — пагражае да 20 гадоў3
Каментары