На свежых спадарожнікавых фота Planet Labs за 6 чэрвеня 2023 года бачныя наступствы падрыву Кахоўскай гідраэлектрастанцыі.
У параўнанні са здымкам за 4 чэрвеня відаць, што амаль усё збудаванне гідраэлектрастанцыі было разбуранае».
Кахоўскую ГЭС пабудавалі ў 1950-х, гэта адна з найбуйнейшых гідраэлектрастанцый свету. На беразе Кахоўскага вадасховішча размяшчаецца Запарожская АЭС, яна ахалоджвалася яго вадой.
Узровень вады ў Дняпры ніжэй ГЭС яе можа падняцца на 12 метраў, пра гэта паведамляюць у адміністрацыі Херсонскай вобласці. Гэта вышыня пяціпавярховага дома.
Смяротная небяспека пагражае ўкраінскім байцам, якія за апошнія месяцы ўзялі пад кантроль балоцістыя астравы на левым беразе Дняпра.
Разліў Дняпра ніжэй за ГЭС робіць немагчымым яго фарсіраванне. У той жа час разбурэнне плаціны спыніць паступленне вады ў Паўночна-Крымскі канал, што азначае праблемы ў водазабеспячэнні Крыма нават пасля яго вызвалення.
Цалкам наступствы падрыву ГЭС цяжка пралічыць. У прыватнасці, застаецца без ахалоджвання Запарожская АЭС, гэта стварае пагрозу яе аварыйнага спынення.
«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай4
Каментары