У дзень народзінаў Марыны Золатавай «Рэпарцёры без межаў» маюць намер перадаць у беларускія амбасады лісты ў яе падтрымку
Заўтра ў галоўнай рэдактаркі Tut.by Марыны Золатавай — дзень народзінаў. У сакавіку 2023 года ёй прысудзілі 12 гадоў калоніі.
У дзень нараджэння галоўнага рэдактара разгромленага ўладамі партала tut.by Марыны Золатавай, якая адбывае 12-гадовы тэрмін зняволення і 6 лістапада сустрэне там 46‑ы дзень нараджэння, міжнародная арганізацыя «Рэпарцёры без межаў» мае намер перадаць у беларускія амбасады ў некалькіх краінах лісты і паштоўкі ў яе падтрымку, піша «Позірк».
Акцыя стартавала 6 верасня. Пасланні на адрас Золатавай збіралі аддзяленні «Рэпарцёраў без межаў» у Германіі, Аўстрыі, Швецыі, Швейцарыі, Вялікабрытаніі, ЗША, на Тайвані, а таксама галаўны офіс у Парыжы.
«Цяпер як ніколі важна мабілізавацца на падтрымку прадстаўнікоў беларускіх СМІ, такіх як Марына Золатава», — заяўляў у сувязі з пачаткам акцыі выканаўчы дырэктар нямецкага аддзялення «Рэпарцёраў…» Крысціян Мір.
Аддзяленне заклікала прыйсці 6 лістапада да беларускай амбасады ў Берліне і запатрабаваць вызвалення Золатавай.
Марына Золатава была затрыманая 18 мая 2021 падчас пагрому Tut.by. У сакавіку 2023-га прыгаворана да 12 гадоў пазбаўлення волі па абвінавачанні ў нявыплаце падаткаў, распальванні варожасці і прычыненні шкоды нацыянальнай бяспецы. У кастрычніку 2022 года ўключана ў пералік асоб, якія маюць дачыненне да «тэрарыстычнай дзейнасці», у жніўні 2023 года — у пералік асоб, якія маюць дачыненне да «экстрэмісцкай дзейнасці». Праваабарончая супольнасць прызнала Золатаву палітзняволенай.
У месцах пазбаўлення волі найбольш вядомых палітвязняў нярэдка абмяжоўваюць у ліставанні. Праваабаронцы выказваюць заклапочанасць, што пра шмат якіх палітвязняў інфармацыі няма месяцамі.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары
В пятерку крупнейших тюремщиков журналистов в этом году входят Иран, Китай, Мьянма, Турция и Беларусь соответственно.
...
В разных странах – от России до Никарагуа и Афганистана, независимые СМИ были уничтожены, поскольку репортеры бегут в изгнание или, запуганные, прибегают к самоцензуре. И хотя стратегии подавления в этих странах различаются, случаи, задокументированные в переписи КЗЖ, имеют общую черту официальной жестокости и мстительности."
Беларусь на першым месце ў гэтым ганебным спісе. чаму? таму што ў нас найбольшая колькасць зняволеных журналістаў у суадносінах да колькасці насельніцтва
але гэта тое, што пачула па рыдыё (было гэта ў мінулым тысячагодзі)
мая памяць захавала. даслоўна :
'я таки чуствительны и ранимы, а ани [журналісты] миня абижают'
вось вам псіхатып. псіхапата. як на далоні
да журналістаў у яго асобая непрыязнь