Back in 1990-я. Затрымалі банду, якая рабавала фуры на стаянках уздоўж трасаў па ўсёй краіне
Банда здзяйсняла злачынствы ноччу, выкарыстоўваючы балаклавы і радыёстанцыі.
Падазраваных у крадзяжах з велікагрузаў на стаянках уздоўж трасы Брэст-Гомель затрымалі ў Беларусі, паведамляе прэс-служба МУС.
Гэта былі пяцёра жыхароў Оршы ва ўзросце ад 34 да 51 года. Яны дзейнічалі ў Брэсцкай, Магілёўскай, Мінскай і Гомельскай абласцях.
Пакуль кіроўца спаў у кабіне фуры, злачынцы ўзломвалі замок грузавога адсека, загружалі свой мікрааўтобус крадзеным таварам і з'язджалі з месца злачынства.
Паводле звестак МУС, іх мэтамі былі аўтамабілі з беларускімі нумарамі, з якіх выкрадалі розны груз — ад тэхнікі да прадуктаў харчавання, а таксама злівалі паліва з бакаў. Скрадзенае альбо прадавалі на тэрыторыі Расіі, альбо выкарыстоўвалі ў асабістых мэтах пасля дзяльбы.
Следствам распачатая крымінальная справа па фактах крадзяжоў у буйным памеры, цяпер вядома аб шасці эпізодах злачыннай дзейнасці ўдзельнікаў групы.
Кубракоў даводзіў, што міліцыянт Згірскі не датычны да банды налётчыкаў. Цяпер таго судзяць — пагражае да 20 гадоў3
Каментары