Украінцы падбілі ў Севастопалі яшчэ адзін расійскі ракетны карабель. Ён быў апошні, які мог запускаць «Калібры»
Генеральны штаб Узброеных сіл Украіны пацвердзіў паражэнне расійскага ракетнага карабля «Цыклон» у акупаваным Расіяй Севастопалі ў ноч на 19 траўня 2024 года. Пра гэта гаворыцца ў зводцы Генштаба, піша «Украінская праўда».
«Паводле ўдакладненай інфармацыі, у ноч на 19 траўня сілы абароны Украіны паразілі ў Севастопалі расійскі ракетны карабель «Цыклон» праекта 22800», — сцвярджаецца ў паведамленні ўкраінскага Генштаба.
Раней у сеціве з'явілася афіцыйна не пацверджаная інфармацыя пра паражэнне расійскага носьбіта ракет сістэмы «Калібр» — расійскага карабля «Цыклон».
Начальнік Цэнтра стратэгічных камунікацый Сіл абароны поўдня Украіны капітан 3 рангу Дзмітрый Плецянчук адзначаў, што ў выпадку пацвярджэння інфармацыі гэта будзе азначаць, што расіяне больш не змогуць запускаць ракеты «Калібр» з блізкай адлегласці.
Паводле звестак з расійскіх адкрытых крыніц, «Цыклон» — ракетны карабель праекта 22800 (шыфр «Каракурта»). Карабель быў перададзены ВМФ Расіі ў ліпені 2023 года.
«Укрпошта» працягвае на сваіх марках тапіць расійскі вайсковы флот
Украінскі марскі дрон знішчыў расійскі вайсковы катар у Крыме
У Севастопалі ўкраінцы трапілі ракетай па «Камуне» — найстарэйшым вайсковым судне Расіі
«Ракета ўя*ала. Бачыш, гарыць». Украінцы ўдарылі ракетай па караблі ў бухце Севастопаля
Тур патлумачыў, што Лукашэнка меў на ўвазе, кажучы пра прызначэнне дырэктараў у прыватныя кампаніі6
Каментары