«Мінскі холадакамбінат №2», які з'яўляецца ўладальнікам сеткі крамаў «Радзівілаўскі», пачаў абнаўленне гандлёвай маркі. Першы магазін сеткі (ён мае №5 і знаходзіцца на вуліцы Мазурава, 2) ужо абнавіў і знешняе афармленне, і ўнутраны дызайн, піша Blizko.by.
Паводле інфармацыі Belretail.by, усе 12 крамаў, якімі кіруе «Мінскі холадакамбінат №2», будуць працаваць пад новым брэндам «Радзівілаўскага». На момант публікацыі ў новым дызайн-фармаце адкрыта толькі дзве крамы ў Мінску: па вул. Мазурава, 2 і Бялецкага, 28.
У інтэр'еры зроблены ўпор на адценні сіняга колеру.
І калі раней фірмовы лагатып быў аформлены па-беларуску, то цяпер усё перавялі на рускую мову.
Гандлёвая сетка пад брэндам «Радзівілаўскі», якая была створана яшчэ ў 2003 годзе і ў найлепшыя часы налічвала 21 краму ў Мінску, спыніла сваё існаванне ў 2021-м. З 1 кастрычніка таго года ўсе крамы рэтэйлера перайшлі пад кіраванне «Мінскага холадакамбіната № 2», хоць некаторыя з іх захавалі сваю шыльду.
Сёння ў гандлёвым рэестры лічыцца 18 крам холадкамбіната, аднак на сайце пазначаныя ўсяго 12. Усе яны будуць перафарматаваныя пад новы дызайн ТМ «Радзівілаўскі».
А можа, усё ж варта, каб Лукашэнка ўдзельнічаў у перамовах па Украіне?45
Каментары
Крама працуе да 23, гэта добра, у мяне на раёне усе крамы толькі да 22 працуюць, мне ня зручна.
Jakia tut zmieny))