«Вывучыце рускую і гаварыце на нармальнай н***й мове». Украінскі музыка параіў палякам уступіць у Расійскую імперыю
Кірыла Бледны, франтмен украінскага рок-гурта «Пошлая Молі», зрабіў у сторыс інстаграма некалькі зняважлівых заяваў пра польскую мову. Хлопец вырашыў выказацца пра гэта за некалькі гадзін да таго, як наведаў у Варшаве праўкраінскі канцэрт гурта «Нервы».
Цалкам прамова Бледнага гучала так: «Ведаеце, што мяне прыводзіць у шаленства у Польшчы? Мяне н***й прыводзіць у шаленства польская мова. Не разумею, навошта гаварыць на гэтай у***нскай мове, калі ёсць руская мова, я не разумею, рэальна. Чувакі, проста вывучыце б**** рускую і гаварыце на нармальнай н***й мове. Ёсць жа Расійская імперыя, проста ўступіце ў яе, б****. Уступіце ў яе, як раней, і гаварыце на нармальнай б**** мове, да****бы».
Цяперашні візіт украінца ў Польшчу — не апошні, у лістападзе-снежні гурт «Пошлая Молі» плануе даць там пяць канцэртаў (у Гданьску, Познані, Кракаве, Уроцлаве і Варшаве). Пасля заяваў у сторыс, аднак, не ўсе карыстальнікі інстаграма разумеюць, што спявак робіць у Польшчы:
«Клоуна так бесіць польская мова, што працягвае знаходзіцца ў Польшчы, а як жа вялікая духоўная Расія?»
«Навошта ты тады ехаў у Польшчу, калі табе нешта не падабаецца? Не падабаецца польская мова — валі з Польшчы. Усё дужа проста».
«Калі пасля апошняга відэа спатрэбіцца дапамога юрыстаў у Польшчы, да нас не звяртайцеся» (каментар ад юрыдычнага сэрвісу).
Праз паўдня Кірыла Бледны апублікаваў сторыз, у якім сказаў, што гэта выказванне было жартам.
У 2022-м Бледны ладзіў дабрачынны канцэрт у падтрымку Украіны і выступаў супраць поўнамаштабнага расійскага ўварвання. Аднак ужо ў чэрвені таго ж года спявак выпусціў сумесны трэк з расійскім рэперам Маладым Платонам. Пасля гэтага лідара «Пошлай Молі» абвінавацілі ў тым, што ён «пераабуўся», бо азначаны рэпер на той час ніяк не праяўляў сваёй пазіцыі наконт вайны.
Адзначым, што гурт Бледнага цяпер не выступае ні ва Украіне, ні ў Расіі. У Беларусь «Пошлая Молі» прыязджала яшчэ ў 2021-м, і тады на канцэрце скандавалі «Жыве Беларусь».
«Наша Нiва» — бастыён беларушчыны
ПАДТРЫМАЦЬШто трэба ведаць пра гурт Tor Band — музыкаў, якіх пакаралі жахлівымі тэрмінамі за іх хіты
«Чорны бумер», Паліграф ШарыкOFF, спявак пры Лукашэнку: як мянялася жыццё рэпера Сярогі
Беларусы менш чым за дзень сабралі больш за €9000 для асуджаных музыкаў Tor Band
-
«Сірыя паказвае, што Расія не непераможная». Галоўная дыпламатка ЕС выказалася супраць перамоў на ўмовах Масквы
-
«Людзі гінуць, а яму «цікава»… Д*****б». Украінскае кіраўніцтва пры каментаванні ініцыятыў Пуціна не падбірае слоў
-
Украінскаму музыку, які раіў палякам уступіць у Расійскую імперыю, забаранілі ўезд у Еўрасаюз на 10 гадоў
Міліцыя выпадкова апублікавала ВІДЭА для ўнутранага карыстання — інструкцыю, як трэба паводзіць сябе з насельніцтвам2
Каментары