Чарговы суд над блогерам Цыгановічам. Два гады таму яму далі 16 гадоў
43-гадовага аўтара Youtube-канала «MozgON» толькі тры месяцы таму перавялі ў новую калонію пасля апошняга прысуду — у красавіку яму прызначылі яшчэ адзін год зняволення.
За гэты час адміністрацыя ваўкавыскай калоніі № 11 ініцыявала завядзенне другой запар крымінальнай справы паводле ч. 2 арт. 411 КК (злоснае непадпарадкаванне патрабаванням адміністрацыі калоніі).
Цяпер палітвязню могуць дадаць яшчэ два гады зняволення да 16 гадоў калоніі, піша «Вясна».
Судзіць Уладзіміра пачынаюць 30 лістапада ў Ваўкавыску. Справу вядзе суддзя Мікалай Сяргейка.
Аўтара Youtube-канала «MozgON» зноў будуць судзіць за «злоснае непадпарадкаванне адміністрацыі калоніі»
Падтрымайце Уладзіміра паштоўкамі, лістамі і тэлеграмамі:
ПК № 11, 231900, г. Ваўкавыск, вул. Ракасоўскага, 118, Уладзімір Уладзіміравіч Цыгановіч
Каментары