Украінскія войскі прарвалі мяжу Расіі на яшчэ адным участку ў Курскай вобласці
Узброеным сілам Украіны ўдалося прарваць абарону УС РФ на яшчэ адным участку расійска-ўкраінскай мяжы ў Курскай вобласці. Пра гэта паведамілі некалькі ўкраінскіх вайсковых каналаў, у тым ліку канал падраздзялення БПЛА Khorne, а таксама пацвердзілі Z-ваенкары, піша The Moscow Times.
Як сцвярджае Khorne, УСУ ўдалося прайсці на глыбіню «некалькіх кіламетраў». Канал апублікаваў відэа, дзе знятая ўкраінская бранятанкавая калона, якая, як сцвярджаецца, рухаецца да населенага пункта Вясёлае, што знаходзіцца ў тыле групоўкі расійскіх узброеных сіл.
Як піша ваенкар «Рыбарь», украінскія вайскоўцы скарысталіся адцягненнем значнай часткі расійскіх сіл на контрнаступальную аперацыю на мяжы Снагасць — Віктараўка і атакавалі расійскія пазіцыі на поўдзень ад Глушкова. Ім удалося заняць сяло Новы пуць, адзначае «Рыбарь», што пацвярджае блізкі да пагранслужбаў канал «Старший погранотряда».
«Аператыўна-баявая абстаноўка застаецца цяжкой», — піша ён: УСУ «актыўна знішчаюць» расійскія БПЛА, што «ўскладняе вядзенне разведкі» і працу артылерыі.
Паводле даных Z-каналаў, украінскім войскам удалося пераадолець лініі ўмацавання, якія складаюцца з «зубоў дракона» і мінных палёў. Апошнія УСУ расчышчаюць з дапамогай інжынернай тэхнікі, піша «Рыбарь».
Канал «Два майора» ацэньвае глыбіню прасоўвання УСУ ад мяжы з Сумскай вобласцю ў 3 км — на такой адлегласці размешчанае Вясёлае.
Падраздзяленне БПЛА Khorne, якое падтрымлівала аперацыю па прарыве, сцвярджае, што пад пагрозай акружэння апынулася групоўка расійскіх вайскоўцаў тэрміновай службы колькасцю некалькі тысяч чалавек. Z-ваенкары, зрэшты, гэтую інфармацыю не пацвярджаюць.
Зяленскі: Расійскі наступ на Куршчыне ідзе паводле ўкраінскага плану
Кубракоў адправіў на мяжу з Украінай АМАП і ўнутраныя войскі — «каб не дапусціць прарыву УСУ»
Расія перайшла ў контрнаступ у Курскай вобласці, ударыла ў фланг — ваенкары
«Нічога там новага няма» — Вальфовіч аб прарыве ўкраінцаў у Курскую вобласць
«Мяркую, Макей бы ўхваліў». Аўтар помніка кіраўніку МЗС расказаў, якія сэнсы ўклаў у яго3
Каментары