Следчыя спрабуюць выканаць ордар на арышт Юн Сок Ёля. Яны прарваліся праз дзве лініі ачаплення ў рэзідэнцыі прэзідэнта, але кіраўнік Службы бяспекі адмовіўся супрацоўнічаць з імі.
Следчыя, якія прыбылі ў рэзідэнцыю паўднёвакарэйскага прэзідэнта для выканання ордара на арышт часова адхіленага Юн Сок Ёля, здолелі прарвацца праз дзве лініі ачаплення і сутыкнуліся з аддзелам бяспекі, паведаміў прадстаўнік спецыяльнай следчай групы паліцыі Yonhap.
Праваахоўнікі прад'явілі ордары на арышт і ператрус кіраўніку Службы нацыянальнай бяспекі Пак Чон Чжуну і папрасілі яго аб супрацоўніцтве, але ён заявіў, што ператрус не дазволены з-за «закона аб бяспецы і зоны бяспекі».
Нягледзячы на абвешчаны ў сярэдзіне снежня імпічмент, Юн Сок Ёль да завяршэння разгляду справы Канстытуцыйным судом лічыцца часова адхіленым і знаходзіцца пад аховай службы аховы прэзідэнта. Следчыя ўвайшлі на тэрыторыю рэзідэнцыі ў 8:02 па мясцовым часе (2:02 па Мінску), пасля чаго адбыліся сутыкненні з размешчанымі на тэрыторыі рэзідэнцыі вайскоўцамі.
Адвакаты Юн Сок Ёля назвалі спробу выканаць ордар на арышт незаконнай і паабяцалі звярнуцца ў суд.
У выніку следчыя пасля шматгадзіннага супрацьстаяння з аховай адхіленага ад улады прэзідэнта адмовіліся ад намеру арыштаваць яго.
«Арышт, па нашай ацэнцы, немагчымы з-за ўпартага процідзеяння. Мы турбуемся за нашу каманду на месцы [ … ] мы знаходзім стаўленне абвінавачанага [ … ] дастойным глыбокага шкадавання», — заявілі прадстаўнікі Бюро расследаванняў карупцыі Паўднёвай Карэі.
38-гадовага вайсковага лётчыка судзяць за абразу Лукашэнкі1
Каментары