Олдскульны фэшн-маркет, лайн-ап для меламанаў і яшчэ 8 нагод пайсці на A-Fest
10 жніўня ў Лошыцкім парку ў чацвёрты раз адбудзецца маштабны фестываль піва і ежы A-Fest. У гэтым годзе хэдлайнерамі найбуйнейшага бясплатнага летняга опэн-эйра стануць рэпер K-Maro, хіп-хоп гурт «Бумбокс» і рокеры Nizkiz. На фэсце ўпершыню з'явіцца зона «A-Фэшн», дзе можна сабраць модны лук з олдскульных рэчаў, а потым у ім жа танчыць пад хіты з свайго 2007-га. Дзесяць прычын не прапусціць новы A-Fest — у вялікім фестывальным гайдзе.
Нагода 1. Лайн-ап для меламанаў
У гэтым годзе ў Мінску выступяць рэпер K-Maro, чый хіт Femme Like You добра знаёмы прыхільнікам музыкі нулявых, хітовыя ўкраінцы «Бумбокс» і, мабыць, галоўны фестывальны гурт Беларусі Nizkiz. Са сцэны ў парку таксама прагучаць балкана-цыганскія мелодыі PlumBum, хуліганскі фанк Groove Dealers, інтэлігентны электра-поп Palina і танцавальны поп-панк O.Torvald. Здаецца, будзе #дзвіж!
Нагода 2. Фудкорт, на якім вельмі смачна
Бургеры, хот-догі, піца, шаурма, мяса і гародніна на грылі — фудкорт на A-Fest наведвальнікі любяць за разнастайнасць. У гэтым годзе на фестывалі свае выязныя рэстараны адкрыюць гастрапаб «Гамбрынус», кафэ Garage, TNT Rock Club, «Ракаўскі бровар», сетка TokiNY і іншыя ўпадабаныя мінчукамі ўстановы. Прыходзіць на галодны страўнік — правільна!
Нагода 3. Фэшн-маркет, дзе ўсё па олдскуле
Упершыню на фестывалі з'явіцца зона «A-Фэшн», дзе можна прыдбаць вобраз у духу «старой школы»: алімпійкі і легінсы з бацькоўскай шафы па цане ад 5 рублёў або стылёвыя шорты-майткі, выпушчаныя спецыяльна да фестывалю. З 12:00 да 17:00 запланаваны майстар-класы па стварэнні файных лукаў з вінтажных рэчаў, паказ рэтра-калекцыі і конкурс олдскульных касцюмаў. Гасцям фестывалю прапануюць зрабіць начос, як у 80-х, або яркія стрэлкі ў стылі 90-х, а таксама ператварыць любімую старую куртку ў трэндавую рэч. Не здзіўляйцеся, калі ў парку будзе шмат фрыкаў і іншых персанажаў, апранутых па олдскуле — гэта рэкамендаваны дрэс-код.
Нагода 4. Лошыцкі парк як лепшая гарадская фотазона
Яблыневыя сады, руіны старога млына і бровара, жывапісныя зялёныя лужкі, дзе зручна размясціцца для летняга пікніка. Цяжка ўявіць больш маляўнічую фотазону для кадраў на ўвесь год. Адразу пяць фотазон абсталюе ў Лошыцкім парку «Аліварыя», таму абавязкова зарадзіце смартфон перад фэстам ці не палянуецеся ўзяць фотаапарат.
Нагода 5. Музычны квіз «Сам Шазам».
Не проста добры квіз, а паўнавартаснае музычнае шоу з жывым бэндам. Адгадвайце вядомыя, вельмі вядомыя і забытыя песні разам з сябрамі. Не ведаеце адказ? Танцуйце пад класныя аранжыроўкі.
Нагода 6. Валейбол, летні хакей і іншыя віды спорту
На фестывалі адкрыюць дзясятак забаўляльных пляцовак з актыўнымі гульнямі. Любіце спаборнічаць — згуляйце ў вулічнага «сапёра» ці нарэшце разбярыцеся ў правілах петанк, адчуваеце сябе ваўком-адзіночкай — пастраляйце па піўных бочках мячамі. З сабой у парк можна і трэба браць фрысбі, ракеткі для бадмінтона, шахматы і шашкі — усё тое, што спатрэбіцца для добрага адпачынку на траве.
Нагода 7. Пляцоўкі для маленькіх і вельмі маленькіх гледачоў
У дзіцячым гарадку можна ажывіць расліны і жывёлак на велізарнай размалёўцы, згубіцца ў заблытаным лабірынце з Funtastic або паганяць з воднымі пісталетамі. Аквагрымёры дапамогуць маленькім беларусам ператварыцца ў герояў любімых коміксаў. Спатоліць смагу і набрацца сіл для новай гульні бацькі і дзеці змогуць у двух лакацыях з квасам «Аліварскі».
Нагода 8. Дзень нараджэння на фестывалі
Фэст прысвечаны 155-годдзю піваварнай кампаніі «Аліварыя», таму ў гонар свята на А-Fest усталююць двухметровы арт-торт. Адламіць кавалачак ад яго не атрымаецца, а вось прадэгуставаць новы гатунак «Аліварыя Багемскае Паравое», выпушчаны адмыслова да 155-гадовага юбілею, — калі ласка.
Нагода 9. Экскурсіі на рэтра-бусе
10 жніўня — гэта магчымасць яшчэ раз пракаціцца на рэтра-бусе міма гістарычнага будынка «Аліварыі» і пазнаёміцца з броварам з найбагацейшай у Беларусі гісторыяй. Аглядныя экскурсіі па сталіцы на чырвоным вінтажным аўтобусе запусціў мінчук Аляксей Казловіч яшчэ ў пачатку мая. Ён сваімі рукамі сабраў копію ЗІС-8, каб вазіць на ёй турыстаў. Паездкі ў стандартным фармаце, без знаёмства з «Аліварыяй», працягнуцца і пасля фестывалю. Запісацца на адну з пяці штодзённых экскурсій можна па тэлефоне, паказаным на сайце.
Нагода 10. Вялікая піўная дэгустацыя
Еўрапейскі фестываль A-Fest асабліва прывабны для меламанаў, якія аддаюць перавагу таму, каб слухаць добрую музыку з куфлем халоднага піва ў руцэ. Гасцям для дэгустацыі прапануюць адразу 12 гатункаў: поўную лінейку «Аліварыя», у тым ліку і навінку «Аліварыя Багемскае Паравое», Karol Jan Ruby і Karol Jan Hello Honey, разліванае Grimbergen і два безалкагольныя гатункі «Балтыкі». Піва будуць прапаноўваць па кошце ад 3 да 5 BYN за 0,5. Квас — па 1 BYN.
Стартуе фестываль у суботу а 12:00, а завершыцца да 23:00. Дабірацца да Лошыцкага парку зручней за ўсё на грамадскім транспарце або ровары (на ўваходзе ў парк прадугледжаны велапаркоўкі). У выпадку непагадзі на фестывалі будзе арганізаваны продаж дажджавікоў. Непаўналетнія госці змогуць прайсці на A-Fest толькі ў суправаджэнні дарослых. Калі ласка, вазьміце з сабой пашпарт, каб пры неабходнасці пацвердзіць свой узрост!
Недастаткова нагод? Шукайце падрабязнасці ў сацыяльных сетках:
- VK https://vk.com/club_alivaria
- Instagram https://www.instagram.com/alivariabelarus
- Facebook https://www.facebook.com/Alivaria/
Лайн-ап A-Fest 2019:
12:30—13:30 Plum Bum
14:00—15:00 Groove Dealers
15:30—16:30 Palina
17:00—18:00 O.Torvald
18:30—19:30 Nizkiz
20:00—21:00 Бумбокс
21:30—22:30 K-Maro
Каментары