Арыштавалі галоўнага кадравіка Мінабароны Расіі, які раней узначальваў Службу аховы дзяржаўнай таямніцы
Затрымалі начальніка галоўнага ўпраўлення кадраў Мінабароны РФ Юрыя Кузняцова.
13 мая ў 235-м гарнізонным вайсковым судзе прайшло пасяджэнне наконт абрання меры стрымання ў выглядзе ўзяцця пад варту Юрыя Кузняцова, піша Baza.
Напярэдадні буйны вайсковы тэлеграм-канал «Рыбар» заявіў, што Юрый Кузняцоў не з'явіўся на працоўным месцы, бо ў дачыненні да яго прайшлі следчыя дзеянні.
«Наколькі нам вядома, пад увагу следства трапіла дзейнасць Кузняцова як раз-такі на пасадзе кіраўніка службы абароны дзяржтаямніцы, а не яго кадравыя справы», — паведаміў «Рыбар».
Рэч у тым, што Кузняцоў да таго, як стаць начальнікам упраўлення кадраў, узначальваў Восьмае ўпраўленне Генштаба УС РФ, гэтае ведамства ўзначальвае Службу абароны дзяржаўнай таямніцы.
Затрыманне Кузняцова звязана з заменай Сяргея Шайгу на Андрэя Белавусава на пасадзе міністра абароны.
«Пачаліся прадказальныя чысткі ў Мінабароны: у тым ліку ў дачыненні да людзей, якія так ці інакш запэцканыя ў непрыемных эпізодах», — рэзюмуе «Рыбар».
Мяркуючы па картатэцы, матэрыял аб абранні меры стрымання ў выглядзе ўзяцця пад варту на яго паступіў 13 мая ўвечары ў той жа дзень суд разгледзеў гэты матэрыял (пакуль невядома, якое рашэнне вынес суд).
Афіцыйнай інфармацыі аб затрыманні Кузняцова на дадзены момант не было.
Жыхарцы Магілёва пагражаюць крыміналкай за тое, што зняла ранішнюю чаргу ў рэгістратуру3
Каментары