Кампанія «Сігмаполюс», уладальнік якой сам на сябе напісаў заяву, распрадае бізнэс-цэнтры
Уладальнік кампаніі «Сігмаполюс» прадае свае аб'екты — цалкам гатовыя бізнэс-цэнтры, а таксама шматфункцыянальныя комплексы, што будуюцца на Нямізе і ля станцыі метро «Партызанская».
Яшчэ ў верасні, калі адбылося затрыманне кіраўніка кампаніі Віталя Сініцкага, які пабудаваў у Мінску мноства офісных і гандлёвых цэнтраў, у тым ліку «Тытан», «Трум», «Цівалі», прадстаўнікі забудоўшчыка казалі, што затрыманне не паўплывае на працу аб'ектаў, паведамляе belmarket.by.
Але, мабыць, сітуацыя змянілася, і на сайце «Сігмаполюс» з'явілася навіна аб продажы аб'ектаў.
Набыць іх можна з дысконтам да рынкавай цане. Усе комплексы рэалізуюцца непасрэдна ўласнікам.
Ёсць 17-павярховы бізнэс-цэнтр Fortune на вуліцы Прытыцкага, 29. Таксама можна стаць уладальнікам бізнес-цэнтра «Арлан» на вуліцы Тыражнай, 150 недалёка ад плошчы Бангалор. Прадаюцца і шматфункцыянальныя комплексы на стадыі будаўніцтва - на Нямізе і за сто метраў ад станцыі метро «Партызанская».
Крыніцы: затрыманы вядомы бізнэсмен, уласнік «Тытана», «Цівалі» і «Трума», ён сам напісаў на сябе заяву
Што чакае Беларусь у бліжэйшыя пяць гадоў? А Расію і Еўропу? Спецдакладчык ААН па Беларусі дае свой расклад7
Каментары