Не далі прымераць бялізну, бо заканадаўства нібыта гэта забараняе. Але аказалася, што такіх правіл няма
У сваім акаўнце ў сацсетцы жыхарка сталіцы абурылася, што ў адной са сталічных крам ёй адмовілі ў прымерцы ніжняй бялізны, спасылаючыся на дзейнае заканадаўства. Ці правамерная была адмова, карэспандэнту «Мінск-Навіны» патлумачылі ў прэс-службе МАРГ.
Мінчанка сцвярджае, што ў магазіне ёй сказалі: нягледзячы на высокую цану брэндавай бялізны, прымерка на голае цела ў іх забаронена, паколькі гэта супярэчыць правілам гігіены, і па законе такое недапушчальна. Дзяўчыне прапанавалі прыкласці трусікі да сваіх ці вымераць іх аб'ём — яна ў выніку прынцыпова адмовілася ад пакупкі.
У Міністэрстве антыманапольнага рэгулявання і гандлю адзначылі, што дзейнае заканадаўства Беларусі не змяшчае забароны на прымерку ніжняй бялізны, а таксама панчошна-шкарпэткавых вырабаў, як і любых іншых відаў адзення.
Парадак і ўмовы іх прымеркі ў заканадаўстве не ўстаноўлены.
Але сам прадавец мае права самастойна ўстанавіць парадак продажу тавараў, у тым ліку абмежаванні на прымерку сподняй бялізны і панчошна-шкарпэткавых вырабаў.
- Разам з тым, згодна з п. 2 арт. 10 Закона «Аб абароне правоў спажыўцоў», прадавец (вытворца) абавязаны аказваць садзейнічанне спажыўцу ў свабодным выбары тавару. Акрамя таго, у адпаведнасці з п. 56 пастановы Савета Міністраў ад 22 ліпеня 2014 г. № 703 аб ажыццяўленні рознічнага гандлю асобнымі відамі тавараў, прадавец абавязаны забяспечыць пакупнікам швейнага і трыкатажнага адзення, галаўных убораў, абутку, футравых тавараў умовы для іх прымеркі, — адзначылі ў ведамстве.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?5
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары
Цікава, што само паняцце "прымерка" не распісана падрабязна.
Ўзяўся прымяраць - ці мала, можа цесны будзе, ці церці, а яны нятанныя там.
А касірка абурылася і хацела міліцыю выклікаць.
А яно во як. Не прапісана.